ಯಾವುದೇ ಕ್ಯೂ ನೋಡಿದರೂ ಒಳ್ಳೆ ತಿರುಪತಿ ಕ್ಯೂ ಇದ್ದಂಗಿದೆ ಎನ್ನುವ ಮಾತುಗಳನ್ನ ಕೇಳೇ ಇರುತ್ತೀರಿ. ತಿರುಪತಿಯಲ್ಲಿ ದೇವರ ದರ್ಶನ ಮಾಡುವುದೆಂದರೆ ಅದೊಂದು ಹರಸಾಹಸ. ಗಂಟೆಗಳಗಟ್ಟಲೆ ಕ್ಯೂನಲ್ಲಿ ನಿಲ್ಲಬೇಕು. ಅದರಲ್ಲೂ ವಯೋವೃದ್ಧರು ಮತ್ತು ವಿಕಲಚೇತನರು ಕ್ಯೂನಲ್ಲಿ ಸುಸ್ತಾಗಿ ವಾಪಸ್ ಹೋಗಿರುವುದೂ ಇದೆ. ಆದರೆ, ಈ ಸಮಸ್ಯೆಗೆ ಟಿಟಿಡ ತೆರೆ ಎಳೆದಿದೆ.
ಹೌದು, ಈ ಸಮಸ್ಯೆಯನ್ನ ಮನಗಂಡಿರುವ ಕಾರ್ಯಕಾರಿ ಅಧಿಕಾರಿ ಅನಿಲ್ ಸಿಂಘಾಲ್ ಆದೇಶದ ಮೇರೆಗೆ ವಯೋವೃದ್ಧರು ಮತ್ತು ವಿಶೇಷಚೇತನರಿಗೆ ಎರಡು ವಿಶೇಷ ಟಿಕೆಟ್ ಕೌಂಟರ್ ಮತ್ತು ದರ್ಶನಕ್ಕೆ ವಿಶೇಷ ಮಾರ್ಗವನ್ನ ಅಳವಡಿಸಲಾಗಿದೆ. ಈ ಟಿಕೆಟ್ ಕೌಂಟರ್`ಗಳಲ್ಲಿ ನಿತ್ಯ 1500 ಟಿಕೆಟ್ ವಿತರಿಸಲಾಗುತ್ತೆ.
ಈ ಕೌಂಟರ್`ಗಳಲ್ಲ ಟಿಕೆಟ್ ಪಡೆದು ವಯೋವೃದ್ಧರು, ವಿಕಲಚೇತನರು ಮತ್ತು ಮೇಜರ್ ಆಪರೇಶನ್ ಮಾಡಿಸಿಕೊಂಡವರು ದೇವರ ದರ್ಶನಕ್ಕೆ ನೇರ ಎಂಟ್ರಿ ಪಡೆಯಬಹುದಾಗಿದೆ.