ಪಾಕಿಸ್ತಾನದ ಸೇನೆ ಹೇಡಿಗಳ ಸೇನೆ ಎನ್ನುವುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ. ಗಡಿನಿಯಂತ್ರಣ ರೇಖೆಯ ಬಳಿ ಗುಂಡಿನ ದಾಳಿ ನಡೆಸಿದ ಪಾಕಿಸ್ತಾನ, ಮೂವರು ಭಾರತೀಯ ಸೈನಿಕರನ್ನು ಹತ್ಯೆಗೈದು ಒಬ್ಬ ಯೋಧನ ಶಿರಚ್ಚೇದ ಮಾಡಿದ ಹೇಯ ಘಟನೆ ವರದಿಯಾಗಿದೆ.
ಜಮ್ಮು ಕಾಶ್ಮಿರದ ಮತ್ತಾಲ್ ಸೆಕ್ಟರ್‌ ಬಳಿಯಿರುವ ಗಡಿನಿಯಂತ್ರಣ ರೇಖೆಯ ಬಳಿ ಒಬ್ಬ ಯೋಧನ ಮೃತದೇಹ ಪತ್ತೆಯಾಗಿದ್ದು, ಪಾಕಿಗಳು ಯೋಧನ ರುಂಡವನ್ನು ಕತ್ತರಿಸಿ ಹಿಂಸೆ ನೀಡಿರುವುದು ಪತ್ತೆಯಾಗಿದೆ.
ಉತ್ತರ ಕಮಾಂಡ್‌ನ ಭಾರತೀಯ ಸೇನೆ ಟ್ವೀಟ್ ಮಾಡಿದ್ದು, ಮಚ್ಚಾಲ್ ಕ್ಷೇತ್ರದಲ್ಲಿ ಮೂವರು ಭಾರತೀಯ ಯೋಧರು ಹತರಾಗಿದ್ದು, ಒಬ್ಬ ಸೈನಿಕನ ಶಿರಚ್ಚೇದ ಮಾಡಲಾಗಿದೆ. ಮುಂಬರುವ ದಿನಗಳಲ್ಲಿ ಪಾಕಿಸ್ತಾನ ಭಾರಿ ಬೆಲೆ ತೆರಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದೆ.
ಕಳೆದ ಸೆಪ್ಟೆಂಬರ್ 29 ರಂದು ನಡೆದ ಸೀಮಿತ ದಾಳಿಯ ನಂತರ ಅಂತಾರಾಷ್ಟ್ರೀಯ ಗಡಿಯಲ್ಲಿ ಪಾಕಿಸ್ತಾನ 280 ಬಾರಿ ಕದನ ವಿರಾಮ ಉಲ್ಲಂಘಿಸಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.
ಏತನ್ಮಧ್ಯೆ, ಹಿರಿಯ ಸೇನಾಧಿಕಾರಿ ಬಿಪಿನ್ ರಾವತ್, ಕೇಂದ್ರ ರಕ್ಷಣಾ ಖಾತೆ ಸಚಿವ ಮನೋಹರ್ ಪರಿಕ್ಕರ್‌ಗೆ ಘಟನೆಯ ಬಗ್ಗೆ ಮಾಹಿತಿ ನೀಡಿದ್ದಾರೆ ಎನ್ನಲಾಗಿದೆ.
ಇದಕ್ಕಿಂತ ಮೊದಲು ಅಕ್ಟೋಬರ್ 28 ರಂದು ಭಾರತೀಯ ಯೋಧನಿಗೆ ಪಾಕಿಗಳು ಚಿತ್ರಹಿಂಸೆ ನೀಡಿ ಹತ್ಯೆಗೈದಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
