ಯುವತಿಯ ಸಾವಿಗೆ ಕಾರಣವಾಯ್ತು ಆಕೆಯ ಫೇಸ್ ಬುಕ್ ಫೋಟೊ

ಜಾರ್ಖಂಡ್ : ತನ್ನ ಫೇಸ್ ಬುಕ್ ಫೋಟೊವನ್ನು ತಂದೆ ಲೈಕ್ ಮಾಡಿಲ್ಲ ಎನ್ನುವ ಕ್ಷುಲ್ಲಕ ಕಾರಣಕ್ಕೆ ಯುವತಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಜಾರ್ಖಂಡ್ ನಲ್ಲಿ ನಡೆದಿದೆ.

ಯುವತಿ ತನ್ನ ಫೇಸ್ ಬುಕ್ ಫೇಜ್ ನಲ್ಲಿ ತನ್ನ ಫೋಟೊವೊಂದನ್ನು ಪೋಸ್ಟ್ ಮಾಡಿದ್ದಾಳೆ. ಎಲ್ಲರೂ ಈ ಫೊಟೊ ಗೆ ಲೈಕ್ ಕೊಟ್ಟರೂ ಆಕೆಯ ತಂದೆ ಮಾತ್ರ ಲೈಕ್ ಕೊಡಲಿಲ್ಲವಂತೆ. ಅಲ್ಲದೇ ಫೇಸ್​ಬುಕ್​ನಲ್ಲಿ ಫೋಟೋ ಪೋಸ್ಟ್ ಮಾಡಿದ ದಿನದಿಂದ ಆಕೆಯ ತಂದೆ ಆಕೆಯೊಂದಿಗೆ ಮಾತನಾಡುವುದನ್ನು ನಿಲ್ಲಿಸಿದ್ದರಂತೆ.

ತಂದೆ ಎಲ್ಲರೊಂದಿಗೂ ಸಹಜವಾಗಿ ವರ್ತಿಸುತ್ತಿದ್ದು, ತನ್ನ ಜೊತೆ ಮಾತ್ರ ಮಾತನಾಡುತ್ತಿರಲಿಲ್ಲ ಎಂದು ಮನನೊಂದು ಯುವತಿ ನೇಣು ಹಾಕಿಕೊಂಡಿದ್ದಾಳೆ ಎಂಬ ವಿಚಾರ ಆಕೆಯ ಆಪ್ತರಿಂದ ತಿಳಿದುಬಂದಿದೆ. ಈ ಪ್ರಕರಣವನ್ನು ಕೈಗೆತ್ತಿಕೊಂಡಿರುವ ಬರ್ವಾದ್ ಪೊಲೀಸರು ತನಿಖೆಯನ್ನು ನಡೆಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.