ಸಮಾಜವಾದಿ ಪಕ್ಷದ ಶಾಸಕನ ಬಾಡಿಗಾರ್ಡ್ ಖಾತೆಗೆ 100 ಕೋಟಿ ರೂಪಾಯಿಗಳು ಜಮೆಯಾಗಿರುವುದು ಬೆಳಕಿಗೆ ಬಂದಿದೆ.
ಸಮಾಜವಾದಿ ಪಕ್ಷದ ಶಾಸಕ ಇರ್ಫಾನ್ ಸೋಳಂಕಿ ಬಾಡಿಗಾರ್ಡ್ ಗುಲಾಮ್ ಜಿಲಾನಿ ಮಾಲ್ ರೋಡ್ ಶಾಖೆಯಲ್ಲಿ ಎಸ್‌ಬಿಐ ಖಾತೆಯನ್ನು ಹೊಂದಿದ್ದಾರೆ ಎಂದು ಜಿಲ್ಲಾಧಿಕಾರಿ ಕೌಶಲ್ ರಾಜ್ ಶರ್ಮಾ ತಿಳಿಸಿದ್ದಾರೆ.
ಗುಲಾಮ್ ಜಿಲಾನಿ ನಿನ್ನೆ ರಾತ್ರಿ ಎಟಿಎಂನಿಂದ ಹಣ ಪಡೆಯಲು ಹೋದಾಗ ಆತನ ಖಾತೆಯಲ್ಲಿ ಒಟ್ಟು 99,99,02,724 ರೂಪಾಯಿಗಳಿರುವುದು ಪತ್ತೆಯಾಗಿದೆ.
ಜಿಲಾನಿ ಕೂಡಲೇ ಸಮಾಜವಾದಿ ಪಕ್ಷದ ಶಾಸಕ ಇರ್ಫಾನ್ ಸೋಳಂಕಿಗೆ ಮಾಹಿತಿ ನೀಡಿದ್ದಾರೆ. ಶಾಸಕ ಇರ್ಫಾನ್ ಕೂಡಲೇ ಜಿಲ್ಲಾಧಿಕಾರಿಗೆ ತಿಳಿಸಿದ್ದಾರೆ.
ಎಸ್‌ಬಿಐ ಶಾಖೆಯ ವ್ಯವಸ್ಥಾಪಕರೊಂದಿಗೆ ಚರ್ಚೆ ನಡೆಸಲಾಗಿದ್ದು, ಜಿಲಾನಿಗೆ ಕೂಡಲೇ ಅರ್ಜಿ ಸಲ್ಲಿಸುವಂತೆ ಕೋರಿದ್ದಾರೆ ಎಂದು ಜಿಲ್ಲಾಧಿಕಾರಿ ಶರ್ಮಾ ಹೇಳಿದ್ದಾರೆ.
ಗುಲಾಮ್ ಜಿಲಾನಿ ಖಾತೆಯನ್ನು ಸೀಜ್ ಮಾಡಲಾಗಿದ್ದು, ಸದ್ಯಕ್ಕೆ ಜಿಲಾನಿ ಹಣವನ್ನು ಬ್ಯಾಂಕ್‌ನಿಂದ ಪಡೆಯುವಂತಿಲ್ಲ ಎಂದು ತಿಳಿಸಿದ್ದಾರೆ.
ಬಾಡಿಗಾರ್ಡ್ ಗುಲಾಮ್ ಜಿಲಾನಿ ಕುಷಿನಗರ್ ಜಿಲ್ಲೆಯವರಾಗಿದ್ದು, ನಗರದ ಜಾಜ್‌ಮೌವು ಪ್ರದೇಶದಲ್ಲಿ ಬಾಡಿಗೆ ಕೋಣೆಯೊಂದರಲ್ಲಿ ವಾಸಿಸುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.