ಜಯಲಲಿತಾ ನಿವಾಸ ಸ್ಮಾರಕವಾಗಿಸಲು ಸಹಿ ಸಂಗ್ರಹ

ಚೆನ್ನೈ: ಮುಖ್ಯಮಂತ್ರಿ ಪದವಿಗಾಗಿ ಗುದ್ದಾಡುತ್ತಿರುವ ಶಶಿಕಲಾ ನಟರಾಜನ್ ಮತ್ತು ಪನೀರ್ ಸೆಲ್ವಂ ತಮ್ಮದೇ ರೀತಿಯಲ್ಲಿ  ಸಾಗಿದ್ದಾರೆ. ಶಶಿಕಲಾರನ್ನು ಹೇಗಾದರೂ ಮಾಡಿ ಮುಖ್ಯಮಂತ್ರಿಯಾಗುವುದನ್ನು ಪನೀರ್ ಸೆಲ್ವಂ ಸಾಧ್ಯವಿರುವ ಎಲ್ಲಾ ತಂತ್ರ ಬಳಸುತ್ತಿದ್ದಾರೆ.

ಮೊನ್ನೆಯಷ್ಟೇ ಶಾಸಕಾಂಗ ಸಭೆ ಕರೆದು ಜಯಲಲಿತಾರ ಪೊಯೆಸ್ ಗಾರ್ಡನ್ ನಿವಾಸವನ್ನು ಸ್ಮಾರಕವಾಗಿಸುವ ತೀರ್ಮಾನ ಕೈಗೊಂಡಿದ್ದ ಪನೀರ್ ಸೆಲ್ವಂ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತಂತೆ ಸಹಿ ಸಂಗ್ರಹ ಅಭಿಯಾನಕ್ಕೆ ಚಾಲನೆ ಕೊಟ್ಟಿದ್ದಾರೆ.

ಈ ಮೂಲಕ ಮತ್ತಷ್ಟು ಜನ ಬೆಂಬಲ ಪಡೆಯುವ ಪ್ರಯತ್ನ ನಡೆಸಿದ್ದಾರೆ. ಒಂದು ವೇಲೆ ಜಯಲಲಿತಾ ನಿವಾಸವನ್ನು ಸ್ಮಾರಕವಾಗಿಸಿದರೆ ಸದ್ಯ ಅಲ್ಲಿ ನಿವಾಸಿಯಾಗಿರುವ ಶಶಿಕಲಾ ಮನೆಯಿಂದ ಹೊರ ಹೋಗಬೇಕಾಗುತ್ತದೆ ಎಂಬುದು ಸೆಲ್ವಂ ಯೋಜನೆ. ಈ ನಡುವೆ ಇವರಿಬ್ಬರ ಅಧಿಕಾರದ ಫೈಟ್ ನಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ತಮಿಳುನಾಡಿನಾದ್ಯಂತ ಪೊಲೀಸರು ಬಿಗಿ ಭದ್ರತೆ ಏರ್ಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ