ದಿಢೀರ್ ಬೆಳವಣಿಗೆಯೊಂದರಲ್ಲಿ ಸೋಮವಾರ ತಮಿಳುನಾಡಿನ ಮುಖ್ಯಮಂತ್ರಿಯಾಗಿ ಶಶಿಕಲಾ ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಅಣ್ಣಾಡಿಎಂಕೆ ಪ್ರಮುಖ ನಾಯಕರು ಈ ಬಗ್ಗೆ ಸ್ಪಷ್ಟಪಡಿಸಿರುವುದಾಗಿ ಐಬಿಎನ್ ವರದಿ ಮಾಡಿದೆ. ಭಾನುವಾರವೇ ಶಾಸಕರ ಸಭೆಯಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗುತ್ತೆ ಎಂದು ವಕ್ತಾರೆ ಸಿ.ಆರ್. ಸರಸ್ವತಿ ಸ್ಪಷ್ಟಪಡಿಸಿರುವುದಾಗಿ ವರದಿಯಾಗಿದೆ.
ತಮಿಳುನಾಡು ಮುಖ್ಯಮಂತ್ರಿಯಾಗಿ ಸೋಮವಾರ ಚಿನ್ನಮ್ಮ ಅಧಿಕಾರ ಸ್ವೀಕಾರ..?
ಸೋಮವಾರ ಅಧಿಕಾರ ಸ್ವೀಕಾರಕ್ಕೆ ಶುಭದಿನವಾಗಿದ್ದು, ಎಲ್ಲ ಶಿವದೇಗುಲಗಳಲ್ಲೂ ಅಂದು ಕುಂಭಾಭಿಷೇಕ ನಡೆಸಲು ಸಹ ನಿರ್ಧರಿಸಲಾಗಿದೆಯಂತೆ.
ಇದೇವೇಳೆ, ಜಯಲಲಿತಾ ಆಪ್ತರಾದ ಮುಖ್ಯ ಕಾರ್ಯದರ್ಶಿ ಶೀಲಾ ಬಾಲಕೃಷ್ಣನ್, ಕೆ.ಎನ್. ವೆಂಕಟರಾಮನ್ ಮತ್ತು ಆಪ್ತ ಕಾರ್ಯದರ್ಶಿ ರಾಮಲಿಂಗಂ ಅವರನ್ನ ಪನ್ನಿರ್ ಸೆಲ್ವಂ ಕಚೇರಿಯಿಂದ ಹೊರಹಾಕುವ ನಿರ್ಧಾರಕ್ಕೂ ಚಿನ್ನಮ್ಮನ ಮುಂದ್ರೆ ಬಿದ್ದಿತ್ತು ಎನ್ನಲಾಗಿದೆ.