ನವದೆಹಲಿ: ಪ್ರಧಾನಿ ಮೋದಿ ವೈಯಕ್ತಿಕ ಖರ್ಚು ವೆಚ್ಚಗಳಿಗೆ ಸರ್ಕಾರದ ಬೊಕ್ಕಸದಿಂದ ಎಷ್ಟು ಖರ್ಚು ಮಾಡಿದ್ದಾರೆ? ಹೀಗೊಂದು ಪ್ರಶ್ನೆಯನ್ನು ಆಮ್ ಆದ್ಮಿ ಪಕ್ಷದ ನಾಯಕರೊಬ್ಬರು ಆರ್ ಟಿಐಗೆ ಕೇಳಿದ್ದರು. ಇದಕ್ಕೆ ಆರ್ ಟಿಐ ಕೊಟ್ಟ ಉತ್ತರ ಮಾತ್ರ ನಿಜಕ್ಕೂ ಶಾಕ್ ಉಂಟು ಮಾಡಿತ್ತು!
ಸದಾ ಪ್ರಧಾನಿ ಮೋದಿ ವಿರುದ್ಧ ಹರಿ ಹಾಯುವ ಎಎಪಿ ನಾಯಕರು ಈ ಮೂಲಕ ಪ್ರಧಾನಿಯನ್ನು ಸಿಕ್ಕಿಸಿ ಹಾಕುವ ತಂತ್ರ ಮಾಡಿದ್ದರು. ಆದರೆ ಅದು ಅವರಿಗೇ ಉಲ್ಟಾ ಹೊಡೆಯಿತು. ಯಾಕೆಂದರೆ ಆರ್ ಟಿಐ ಕೊಟ್ಟ ಉತ್ತರ ಹಾಗಿತ್ತು.
ಪ್ರಧಾನಿ ಮೋದಿ ತಮ್ಮ ವೈದ್ಯಕೀಯ ಖರ್ಚು, ಸಾಮಾಜಿಕ ಜಾಲತಾಣಗಳ ನಿರ್ವಹಣೆಗೆ ಸರ್ಕಾರದ ಬೊಕ್ಕಸದಿಂದ ಎಷ್ಟು ಖರ್ಚು ಮಾಡಿದ್ದಾರೆಂದು ಎಎಪಿ ನಾಯಕ ಮನೀಶ್ ಸಿಸೋಡಿಯಾ ಕೇಳಿದ್ದರು. ಇದಕ್ಕೆ ಉತ್ತರಿಸಿದ ಆರ್ ಟಿ ಐ ಪ್ರಧಾನಿ ತಮ್ಮ ವೈದ್ಯಕೀಯ ಖರ್ಚುಗಳನ್ನು ಸ್ವಂತ ವೇತನದ ಹಣದಿಂದ ನಿಭಾಯಿಸುತ್ತಾರೆ.
ಸಾಮಾಜಿಕ ಜಾಲತಾಣಗಳ ನಿರ್ವಹಣೆಯನ್ನು ವಿದ್ಯಾರ್ಥಿಗಳೇ ವಿನ್ಯಾಸಗೊಳಿಸಿದ್ದು, ಅವರಿಗೆ ಬಹುಮಾನ ನೀಡಲಾಗಿದೆಯಷ್ಟೇ ಎಂದು ವಿವರಣೆ ಕೊಟ್ಟಿದೆ. ಈ ಮೂಲಕ ಪ್ರಧಾನಿಯನ್ನು ಸಿಕ್ಕಿಸಿ ಹಾಕಲು ಹೊರಟ ಎಎಪಿಗೆ ಮುಖಭಂಗವಾದಂತಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
