ನವದೆಹಲಿ: 40 ವರ್ಷದ ನೌಕರನನ್ನು ಆತನ ಮಾಲಿಕ ಗುದನಾಳಕ್ಕೆ ಏರ್ ಪಂಪ್ ಮಾಡಿ ಹತ್ಯೆ ಮಾಡಿದ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.
ಕೂಲಿಯಾಳಾಗಿ ಕೆಲಸ ಮಾಡುತ್ತಿದ್ದ ನೌಕರ ಡಿಸೆಂಬರ್ 8 ರಂದು ಮಾಲಿಕನ ಬಳಿ ಕೂಲಿ ನೀಡುವಂತೆ ಕೇಳಿದ್ದ. ಈ ಸಂಬಂಧ ಮಾಲಿಕ ಆತನನ್ನು ಇತರ ಮೂವರು ನೌಕರ ಸಹಾಯದಿಂದ ಬಲವಂತವಾಗಿ ಹಿಡಿದಿಟ್ಟುಕೊಂಡು ಗುದನಾಳಕ್ಕೆ ಕಂಪ್ರೆಷರ್ ಮೂಲಕ ಏರ್ ಪಂಪ್ ಮಾಡಿ ಹತ್ಯೆ ಮಾಡಿದ್ದಾನೆ. ಇದರಿಂದ ಅಸ್ವಸ್ಥಗೊಂಡಿದ್ದ ಆತನನ್ನು ಕುಟುಂಬಸ್ಥರು ಆಸ್ಪತ್ರೆಗೆ ದಾಖಲಿಸಿದ್ದರು. ಈ ವೇಳೆ ಈತ ತನ್ನ ಮೇಲಾದ ದೌರ್ಜನ್ಯವನ್ನು ಹೇಳಿಕೊಂಡಿದ್ದ. ಬಳಿಕ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದ. ಬಳಿಕ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದಾರೆ.
