ಸಂಪೂರ್ಣ ಸಸ್ಯಾಹಾರಿ, ಧೂಮಪಾನ, ಮದ್ಯಪಾನ ಮಾಡದ ಪೊಲೀಸರಿಗೆ ಈಗ ಡಿಮ್ಯಾಂಡ್!

ನವದೆಹಲಿ: ಸಂಪೂರ್ಣ ಸಸ್ಯಾಹಾರಿಗಳಾಗಿರುವ, ಧೂಮಪಾನ, ಮದ್ಯಪಾನ ಚಟಗಳಿಲ್ಲದ ಪೊಲೀಸರು ಬೇಕಾಗಿದ್ದಾರೆ! ಹೀಗಂತ ಒಂದು ಜಾಹೀರಾತು ನೀಡುತ್ತಿರುವುದು ಕುಂಭ ಮೇಳೆ ಆಯೋಜಕರು!

ಮುಂದಿನ ವರ್ಷ ಜನವರಿಯಲ್ಲಿ ಅಲಹಾಬಾದ್ ನಲ್ಲಿ ನಡೆಯಲಿರುವ ಕುಂಭ ಮೇಳದಲ್ಲಿ ಭದ್ರತೆಗೆಂದು ನಿಯೋಜನೆಗೊಳ್ಳಲಿರುವ ಪೊಲೀಸ್ ಅಧಿಕಾರಿಗಳಲ್ಲಿ ಈ ಗುಣಗಳಿರಬೇಕಂತೆ! ಹಾಗಂತ ಕುಂಭ ಮೇಳೆ ಆಯೋಜಕರು ಬೇಡಿಕೆಯಿಟ್ಟಿದ್ದಾರೆ.

ಕುಂಭ ಮೇಳದ ಭದ್ರತೆ ಕೆಲಸಗಳು ಈ ವರ್ಷ ಅಕ್ಟೋಬರ್ ನಿಂದಲೇ ಆರಂಭವಾಗಲಿದೆ. ಇದಕ್ಕಾಗಿ 10 ಸಾವಿರ ಭದ್ರತಾ ಅಧಿಕಾರಿಗಳನ್ನು ನಿಯೋಜಿಸಲಾಗುತ್ತದೆ. ಇಲ್ಲಿ ಧಾರ್ಮಿಕ ಶ್ರದ್ಧೆಯಿರುವ, ಸಾಧು ಸಂತರ ಸಮಾಗಮವಾಗುತ್ತದೆ. ಹೀಗಾಗಿ ಈ ಎಲ್ಲಾ ಷರತ್ತುಗಳನ್ನು ಆಯೋಜಕರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಎದುರು ಇಟ್ಟಿದ್ದಾರೆ! ಇದಕ್ಕೆ ಜಿಲ್ಲಾಡಳಿತ ಯಾವ ರೀತಿ ಸ್ಪಂದಿಸುತ್ತದೆ ಕಾದು ನೋಡಬೇಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.