ನಿರ್ಭಯಾ ಅಪರಾಧಿಗಳ ಮರಣದಂಡನೆಗೆ ದಿನ ಫಿಕ್ಸ್ ಮಾಡಲು ಕೋರ್ಟ್ ನಕಾರ

ನವದೆಹಲಿ: ನಿರ್ಭಯಾ ಗ್ಯಾಂಗ್ ರೇಪಿಸ್ಟ್ ಗಳ ಮರಣದಂಡನೆ ಜಾರಿಗೆ ದಿನ ನಿಗದಿಗೊಳಿಸಿ ಎಂಬ ತಿಹಾರ್ ಜೈಲು ಅಧಿಕಾರಿಗಳ ಮನವಿಯನ್ನು ವಿಚಾರಾಧೀನ ಕೋರ್ಟ್ ತಳ್ಳಿ ಹಾಕಿದೆ.

ಈಗಾಗಲೇ ದೆಹಲಿ ಹೈಕೋರ್ಟ್ ಅಪರಾಧಿಗಳಿಗೆ ಲಭ್ಯವಿರುವ ಕಾನೂನಿನ ಅವಕಾಶಗಳನ್ನು ಬಳಸಿಕೊಳ್ಳಲು ಏಳು ದಿನಗಳ ಗಡುವು ವಿಧಿಸಿತ್ತು. ಆದರೆ ಆ ಅವಧಿ ಇನ್ನೂ ಮುಗಿಯುವ ಮೊದಲೇ ಮರಣದಂಡನೆಗೆ ದಿನ ನಿಗದಿಪಡಿಸುವುದು ಅಪ್ರಬದ್ಧುತೆಯಾಗುತ್ತದೆ ಎಂದು ಕೋರ್ಟ್ ಹೇಳಿದೆ. ಹೀಗಾಗಿ ಈ ಏಳು ದಿನಗಳ ಗಡುವು ಮುಗಿದ ಬಳಿಕವಷ್ಟೇ ಮರಣದಂಡನೆಗೆ ದಿನ ನಿಗದಿಯಾಗಲಿದೆ.