ನವದೆಹಲಿ: ರಾಂಗ್ ನಂಬರ್ ಗೆ ಕಾಲ್ ಮಾಡಿ ಹುಡುಗ-ಹುಡುಗಿ ಮಧ್ಯೆ ಸ್ನೇಹವಾದ ಎಷ್ಟೋ ಪ್ರಕರಣವನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಹಾಗೇ ಹುಡುಗಿಯೊಬ್ಬಳನ್ನು ಮದುವೆಯಾಗಿ ಇಬ್ಬರು ಮಕ್ಕಳೂ ಆದ ಮೇಲೆ ಕೊಲೆ ಮಾಡಿದ್ದಾನೆ!
ದೆಹಲಿಯಲ್ಲಿ ಇಂತಹದ್ದೊಂದು ಧಾರುಣ ಘಟನೆ ನಡೆದಿದೆ. 2010 ರಲ್ಲಿ ಸಾಜಿದ್ ಎಂಬಾತನಿಗೆ ರಾಂಗ್ ನಂಬರ್ ಗೆ ಡಯಲ್ ಮಾಡಿ ಜೂಹಿ ಎನ್ನುವ ಹುಡುಗಿಯ ಪರಿಚಯವಾಗಿತ್ತು. ನಂತರ ಇವರಿಬ್ಬರ ನಡುವೆ ಸ್ನೇಹ ಬೆಳೆದು ಮದುವೆಯೂ ಆಯ್ತು. ಎರಡು ಮಕ್ಕಳಾದ ಮೇಲೆ ಪತಿ ಮಹಾಶಯನಿಗೆ ಇನ್ನೊಬ್ಬಳ ಪರಿಚಯವಾಯಿತು.
ಇದೀಗ ಆಕೆಯ ಸಂಗ ಸಿಕ್ಕ ಮೇಲೆ ಪತ್ನಿಯನ್ನು ಹೇಗಾದರೂ ತನ್ನ ಜೀವನದಿಂದ ದೂರ ಮಾಡಲು ಸಹೋದರರ ಸಹಾಯದಿಂದ ಕೊಲೆ ಮಾಡಿದ್ದಲ್ಲದೆ, ಮೃತದೇಹವನ್ನು ಬಾಕ್ಸ್ ಒಂದರಲ್ಲಿ ಹಾಕಿ ಎಸೆದಿದ್ದ.
ಈ ಬಾಕ್ಸ್ ನಲ್ಲಿದ್ದ ಲೇಬಲ್ ನ ಸಹಾಯದಿಂದ ಪೊಲೀಸರು ಪ್ರಕರಣ ಬೇಧಿಸಿದ್ದಾರೆ. ಈ ಸಂದರ್ಭದಲ್ಲಿ ಸಾಜಿದ್ ತಾನು ಮಾಡಿದ ಕೃತ್ಯವನ್ನು ಒಪ್ಪಿಕೊಂಡಿದ್ದಾನೆ. ಇದೀಗ ಸಾಜಿದ್ ಜತೆಗೆ ಸಹೋದರರನ್ನೂ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.