ಹೈದ್ರಾಬಾದ್‌ ಹೋಟೆಲ್‌ನಲ್ಲಿ ಯುವತಿಯ ಮೇಲೆ ಅತ್ಯಾಚಾರ

ದೆಹಲಿ ಮೂಲದ 20 ವರ್ಷ ವಯಸ್ಸಿನ ಮನೆಗೆಲಸದ ಯುವತಿಯ ಮೇಲೆ ಅಪರಿಚಿತ ಹೋಟೆಲ್ ಉದ್ಯೋಗಿ ಯುವಕನೊಬ್ಬ ಅತ್ಯಾಚಾರವೆಸಗಿದ ಹೇಯ ಘಟನೆ ವರದಿಯಾಗಿದೆ. 

ಪೊಲೀಸ್ ಮೂಲಗಳ ಪ್ರಕಾರ, ಅತ್ಯಾಚಾರಕ್ಕೊಳಗಾದ ಯುವತಿ ನಿಶಾ ಖುರಾನಾ ತನ್ನ ಮಾಲೀಕಳಾದ ಪಾಯಲ್ ಮತ್ತು ಸ್ನೇಹಿತ ರಾಮುನೊಂದಿಗೆ ದೆಹಲಿಂದ ಹೈದ್ರಾಬಾದ್‌ಗೆ ಆಗಮಿಸಿ ಒಯೋ ಸಿಟಿ ಹೋಟೆಲ್‌ನಲ್ಲಿ ವಾಸ್ತವ್ಯ ಹೂಡಿದ್ದರು. ಪಾಯಲ್ ಪ್ರತ್ಯೇಕ ನಾಲ್ಕನೇ ಮಹಡಿಯ ಕೋಣೆಯಲ್ಲಿ ವಾಸವಾಗಿದ್ದರೆ, ನಿಶಾ ಮತ್ತು ಆಕೆಯ ಸ್ನೇಹಿತ ರಾಮು ಎರಡನೇ ಮಹಡಿಯ ಮತ್ತೊಂದು ಕೋಣೆಯಲ್ಲಿ ವಾಸವಾಗಿದ್ದರು.

ಮೂವರು ನಿಶಾ ಕೋಣೆಯಲ್ಲಿ ಬೆಳಗಿನ ಜಾವ ಮೂರು ಗಂಟೆಯವರೆಗೆ ಹರಟೆ ಹೊಡೆಯುತ್ತಿದ್ದರು. 3 ಗಂಟೆ ಸುಮಾರಿಗೆ ರಾಮು ಕೋಣೆಯಿಂದ ಹೊರಹೋಗಿದ್ದನು. ತದನಂತರ ರೂಮ್ ಸರ್ವಿಸ್ ಎಂದು ಹೇಳಿ ಕೆಲವರು ಕೋಣೆಯ ಬೆಲ್ ಬಾರಿಸಿದರು. ಬಾಗಿಲು ತೆಗೆದೊಡನೆ ಕೋಣೆಯೊಳಗೆ ನುಗ್ಗಿದ ನಾಲ್ವರು ಆರೋಪಿಗಳು ನಿಶಾಳನ್ನು 403 ಕೋಣೆ ಸಂಖ್ಯೆಗೆ ಎಳೆದುಕೊಂಡು ಹೋದರು.  

ನಿಶಾ ಆರೋಪಿಗಳಿಂದ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದಳಾದರೂ ಸಫಲವಾಗಲಿಲ್ಲ. ನಾಲ್ವರಲ್ಲಿ ಆರೋಪಿಯೊಬ್ಬ ಆಕೆಯನ್ನು ನಗ್ನಗೊಳಿಸಿ ಅತ್ಯಾಚಾರವೆಸಗಿದ್ದಾನೆ. ಮೂವರು ಆರೋಪಿಗಳು ಪಾಯಲ್ ಕೋಣೆಯೊಳಗೆ ನುಗ್ಗಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. 

ಅತ್ಯಾಚಾರಕ್ಕೊಳಗಾದ ನಿಶಾ, ನೀಡಿದ ವಿವರಗಳ ಸಹಾಯದಿಂದ ಪೊಲೀಸರು ನಾಲ್ವರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಬಂಧನಕ್ಕಾಗಿ ಹುಡುಕಾಟ ನಡೆಸುತ್ತಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.