ಚುನಾವಣಾ ಸುಧಾರಣೆ ತರಲು ಇದು ಸಕಾಲ: ಮೋದಿ

ಪ್ರಜಾಪ್ರಭುತ್ವವನ್ನು ಬಲಪಡಿಸಲು ಚುನಾವಣಾ ಸುಧಾರಣೆಯನ್ನು ತರುವ ಅಗತ್ಯವಿದೆ ಎಂದು ಪ್ರಧಾನಿ ಮೋದಿ ಪುನರುಚ್ಛರಿಸಿದ್ದಾರೆ. 

ನನ್ನ ಪ್ರಕಾರ ಇದು ಚುನಾವಣಾ ಸುಧಾರಣೆಗಳನ್ನು ತರಲು ಸಕಾಲ. ಪಂಡಿತ್ ದೀನ್ ದಯಾಳ್ ಉಪಾಧ್ಯಾಯ್ ಅವರ ಶತಮಾನೋತ್ಸವ ವರ್ಷದಲ್ಲಿ ಚುನಾವಣಾ ಸುಧಾರಣೆ ಮೇಲೆ ದೇಶಾದ್ಯಂತ ನಾವು ವಿಚಾರಗೋಷ್ಠಿಗಳನ್ನು ನಡೆಸಬಹುದು ಎಂದು ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಣಿ ಸಭೆಯಲ್ಲಿ ಮಾತನ್ನಾಡುತ್ತಿದ್ದ ಮೋದಿ ಹೇಳಿದ್ದಾರೆ.

"ಪ್ರಜಾಪ್ರಭುತ್ವದ ಬೇರುಗಳನ್ನು ಬಲಪಡಿಸಲು, ನಾವು ಚುನಾವಣಾ ಸುಧಾರಣೆಗಳನ್ನು ತರಬೇಕಾಗಿದೆ. ಕೆಲವು ಹೊಸ ವಿಷಯಗಳನ್ನು ಸೇರಿಸಬೇಕಾಗಿದೆ. ಚುನಾವಣಾ ಪ್ರಕ್ರಿಯೆಗಳಿಂದ ಕೆಲವು ಬಳಕೆಯಲ್ಲಿಲ್ಲದ ವಿಷಯಗಳನ್ನು ಅಳಿಸ ಬೇಕಾಗಿದೆ", ಎಂದು ಅವರು ಹೇಳಿದ್ದಾರೆ. 

ಇತರ ರಾಜಕೀಯ ಪಕ್ಷಗಳ ಸದಸ್ಯರು ಸಹ ತಮ್ಮ ಬಳಿ ಚುನಾವಣಾ ಸುಧಾರಣೆಗಳನ್ನು ತರುವಂತೆ ಕೇಳಿಕೊಂಡಿದ್ದಾರೆ. ಆದರೆ ವಿಚಾರ ವಿಮರ್ಶೆಗಳ ಬಳಿಕ ಈ ಬದಲಾವಣೆ ಬಂದರೆ ಸೂಕ್ತ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ