ದೇಶದ ಏಕೈಕ ಜೀವಂತ ಜ್ವಾಲಾಮುಖಿ ಮತ್ತೆ ಬೆಂಕಿ ಉಗುಳುತ್ತಿದೆ

ಅಂಡಮಾನ್ ಮತ್ತು ನಿಕೋಬರ್ ದ್ವೀಪದಲ್ಲಿರುವ ದೇಶದ ಏಕೈಕ ಜೀವಂತ ಜ್ವಾಲಾಮುಖಿ ಮತ್ತೆ ಬೆಂಕಿ ಉಗುಳಲು ಆರಂಭಿಸಿದೆ. 150 ವರ್ಷಗಳಿಂದ ಸುಪ್ತವಾಗಿದ್ದ ಜ್ವಾಲಾಮುಖಿ 1991ರಲ್ಲಿ ಮತ್ತೆ ಬುಸುಗುಟ್ಟಿತ್ತು. ಇದೀಗ ಮತ್ತೆ ಇರುವಿಕೆಯನ್ನ ಪ್ರದರ್ಶಿಸುತ್ತಿದೆ ಎಂದು ಗೋವಾ ಮೂಲದ ನ್ಯಾಶನಲ್ ಇನ್ಸ್`ಟಿಟ್ಯೂಟ್ ಆಫ್ ಓಶಿನೋಗ್ರಫಿ ಪ್ರಕಟಣೆಯಲ್ಲಿ ತಿಳಿಸಿದೆ.

`ಪೋರ್ಟ್ ಬ್ಲೇರ್`ನಿಂದ 140 ಕಿ.ಮೀ ದೂರದ ಈಶಾನ್ಯದ ಬ್ಯಾರೆನ್ ದ್ವೀಪದಲ್ಲಿರುವ ಅಂಡಮಾನ್ ಮತ್ತು ನಿಕೋಬರ್ ದ್ವೀಪದ ಏಕೈಕ ಜೀವಂತ ಜ್ವಾಲಾಮುಖಿ ಮತ್ತೆ ಕ್ರಿಯಾಶೀಲವಾಗಿರುವ ಬಗ್ಗೆ ಅಭಯ್ ಮುಧೋಳ್ಕರ್ ನೇತೃತ್ವದ ವಿಜ್ಞಾನಿಗಳ ತಂಡ ಪರಿಶೀಲಿಸಿ ಖಚಿತಪಡಿಸಿದೆ’ ಎಂದು ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.

.
ಜನವರಿ 23ರಂದು ವಿಜ್ಞಾನಿಗಳ ತಂಡ ಸಮುದ್ರ ತೀರದಲ್ಲಿ ಸ್ಯಾಂಪಲ್ ತೆಗೆದುಕೊಳ್ಳುವ ಸಂದರ್ಭ ಜ್ವಾಲಾಮುಖಿಯಿಂದ ಸಣ್ಣ ಬೆಂಕಿ ಉಂಡೆ ಬಂದಿರುವುದು ಬೆಳಕಿಗೆ ಬಂದಿದೆ. 1 ಕಿ.ಮೀನಷ್ಟು ದೂರದಲ್ಲಿ ನಿಂತ ವಿಜ್ಞಾನಿಗಳ ತಂಡ ಜ್ವಾಲಾಮುಖಿಯ ಚಟುವಟಿಕೆಯನ್ನ ಪರಿಶಿಲನೆ ನಡೆಸಿದೆ. ಇದರಲ್ಲಿ ಪ್ರತಿ ಐದತ್ತು ನಿಮಿಷಕ್ಕೊಮ್ಮೆ ಜ್ವಾಲಾಮುಖಿ ಬೆಂಕಿ ಉಗುಳುತ್ತಿದೆ.