ಹೈದರಾಬಾದ್ : ಟಾಲಿವುಡ್ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು ಕೊರೊನಾ ವೇಳೆ ತಮ್ಮ ಸಿನಿಮಾ ‘ಪವರ್ ಸ್ಟಾರ್’ ಟ್ರೇಲರ್ ಮೂಲಕ ಹಣ ಮಾಡಲು ನಿರ್ಧರಿಸಿದ್ದು, ಆದರೆ ಇದೀಗ ಅವರ ಪ್ಲ್ಯಾನ್ ಟುಸ್ ಆಗಿದೆ.
ಹೌದು. ರಾಮ್ ಗೋಪಾಲ್ ವರ್ಮಾ ಅವರು ಜುಲೈ 22ರಂದು ಪವರ್ ಸ್ಟಾರ್ ಟ್ರೇಲರ್ ಬಿಡುಗಡೆಯಾಗಿದ್ದು, ಈ ಟ್ರೇಲರ್ ನೋಡಲು ಪ್ರೇಕ್ಷಕರಿಗೆ 25ರೂ ಟಿಕೆಟ್ ರೇಟ್ ಫಿಕ್ಸ್ ಮಾಡಿದ್ದರು, ಆ ಮೂಲಕ ಹಣ ಪಡೆದು ಹೊಸದಾಖಲೆ ಮಾಡುವುದಾಗಿ ಹೇಳಿದ್ದರು.
ಆದರೆ ಅವರ ‘ಪವರ್ ಸ್ಟಾರ್’ ಸಿನಿಮಾ ಟ್ರೇಲರ್ ಬಿಡುಗಡೆಗೂ ಮುನ್ನವೇ ಲೀಕ್ ಆಗಿದೆ. ಆರ್ ಜಿವಿ ಅವರೊಂದಿಗೆ ಕೆಲಸ ಮಾಡಿದ್ದ ಸಿಬ್ಬಂದಿಯೇ ಟ್ರೇಲರ್ ಲೀಕ್ ಮಾಡಿದ್ದಾರೆ ಎಂಬುದಾಗಿ ಸ್ವತಃ ಆರ್ ಜಿವಿ ಅವರೇ ಟ್ವೀಟ್ ಮೂಲಕ ತಿಳಿಸಿದ್ದಾರೆ.
