ನವದೆಹಲಿ: ಕಾಂಗ್ರೆಸ್ ನಾಯುಕ ಶಶಿ ತರೂರ್ ಪತ್ನಿ ಸುನಂದಾ ಪುಷ್ಕರ್ ದೆಹಲಿಯ ಲೀಲಾ ಪ್ಯಾಲೇಸ್ ಹೋಟೆಲ್ ಕೊಠಡಿಯಲ್ಲಿ ಅಸಹಜವಾಗಿ ಸಾವನ್ನಪ್ಪಿ ಐದು ವರ್ಷ ಕಳೆದಿದೆ. ಹಾಗಿದ್ದರೂ ಆ ಕೊಠಡಿಯನ್ನು ಇನ್ನೂ ತೆರವುಗೊಳಿಸಲು ಪೊಲೀಸರು ಒಪ್ಪುತ್ತಿಲ್ಲ.
ಒಂದೋ ಆ ಕೊಠಡಿಯನ್ನು ಬೀಗ ತೆಗೆಯಲು ಬಿಡಿ ಇಲ್ಲದಿದ್ದರೆ, ದಿನದ ಬಾಡಿಗೆ ಪಾವತಿಸಿ ಎಂದು ಹೋಟೆಲ್ ಆಡಳಿತ ಮಂಡಳಿ ನ್ಯಾಯಾಲಯದ ಮೊರೆ ಹೋಗಿತ್ತು. ಆದರೆ ಪೊಲೀಸರು ಆ ಕೊಠಡಿಯ ಬೀಗ ಮುದ್ರೆ ತೆಗೆಯಲು ಒಪ್ಪುತ್ತಿಲ್ಲ. ಇನ್ನೂ ಆ ಸಾವಿನ ರಹಸ್ಯ ಬೇಧಿಸಲೂ ಅವರಿಂದ ಸಾಧ್ಯವಾಗಿಲ್ಲ.
2014 ರ ಜನವರಿಯಲ್ಲಿ ದೆಹಲಿ ಪೊಲೀಸರು ಈ ಕೊಠಡಿಯನ್ನು ಮುಚ್ಚಿದ್ದರು. ಇದೀಗ ಇನ್ನೂ ಪ್ರಕರಣ ಮುಕ್ತಾಯ ಕಾಣದ ಹಿನ್ನಲೆಯಲ್ಲಿ ಆ ಕೊಠಡಿಯನ್ನು ಬಾಗಿಲು ತೆರೆಯಲಾಗದು ಎಂದು ಪೊಲೀಸರು ನ್ಯಾಯಾಲಯಕ್ಕೆ ಸ್ಪಷ್ಟಪಡಿಸಿದ್ದಾರೆ. ಕಳೆದ ಒಂದು ವರ್ಷದಿಂದ ಯಾವುದೇ ತನಿಖಾ ತಂಡವೂ ಈ ಕೊಠಡಿಗೆ ಬಂದಿಲ್ಲ. ಸದಾ ಬೀಗ ಹಾಕಿಕೊಂಡು ಇರುವುದರಿಂದ ನಮಗೆ ನಷ್ಟವಾಗುತ್ತಿದೆ ಎಂದು ಹೋಟೆಲ್ ಮಾಲಿಕರು ನ್ಯಾಯಾಲಯದ ಮೊರೆ ಹೋಗಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
