ಚೆನ್ನೈ: ಸೂಪರ್ ಸ್ಟಾರ್ ರಜನಿಕಾಂತ್ ರಾಜಕೀಯಕ್ಕೆ ಪದಾರ್ಪಣೆ ಮಾಡುತ್ತಿರುವ ಕುರಿತು ಸುಳಿವು ನೀಡಿದಾಗಿನಿಂದ ಸಾಕಷ್ಟು ಪರ-ವಿರೋಧ ಅಭಿಪ್ರಾಯಗಳು ಕೇಳಿಬಂದಿರುವುದು ಗೊತ್ತಿರುವ ವಿಚಾರ. ಆದರೆ ರಜನಿ ತಮ್ಮ ರಾಜಕೀಯ ಪ್ರವೇಶದ ಕುರಿತು ಇದುವರೆಗೂ ಸ್ಪಷ್ಟ ಹೇಳಿಕೆ ನೀಡಿಲ್ಲ. ಆದರೀಗ ನಟಿ ಕಸ್ತೂರಿ ರಜನಿಕಾಂತ್ ರಾಜಕೀಯ ಪ್ರವೇಶಿಸುತ್ತಿರುವುದನ್ನು ಖಚಿತಪಡಿಸಿದ್ದಾರೆ.
ರಜನಿಕಾಂತ್ ತಮ್ಮ ರಾಜಕೀಯ ಪ್ರವೇಶ ಕುರಿತು ಸುಳಿವು ನೀಡಿದ ಹಿನ್ನಲೆಯಲ್ಲಿ ನಟಿ ಕಸ್ತೂರಿ ಟ್ವಿಟರ್ ನಲ್ಲಿ ’ರಜನಿ ರಾಜಕೀಯಕ್ಕೆ ಸೂಕ್ತವಲ್ಲ’ ಎಂದು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದರಂತೆ. ಕಸ್ತೂರಿ ಈ ಹೇಳಿಕೆಗೆ ಸಾಕಷ್ಟು ಪರ - ವಿರೋಧ ಕಾಮೆಂಟ್ ಗಳು ವ್ಯಕ್ತವಾದವು. ಈ ಸಂದರ್ಭದಲ್ಲಿ ನಟಿ ಕಸ್ತೂರಿ ರಜನಿಕಾಂತ್ ಅವರನ್ನು ಸ್ವತ: ಭೇಟಿಯಾದಾಗ ರಜನಿ ತಮ್ಮ ರಾಜಕೀಯ ಪ್ರವೇಶ ಕುರಿತು ತಮ್ಮ ನಿಲುವನ್ನು ಸ್ಪಷ್ಟಪಶಿದ್ದಾರಂತೆ.
ಕಸ್ತೂರಿ ಹೇಳುವ ಪ್ರಕಾರ ರಜನಿಕಾಂತ್ ರಾಜಕೀಯಕ್ಕೆ ಬರುತ್ತಿದ್ದು, ಈ ಕುರಿತು ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ. ಒಟ್ಟಾರೆ ರಜನಿ ರಾಜಕೀಯ ಪ್ರವೇಶ ಪಕ್ಕಾ ಆಗಿದ್ದಂತು ಸತ್ಯ.
