ಹೆಣ್ಣೇತ್ತಳೆಂಬ ಕಾರಣಕ್ಕೆ ಪತ್ನಿಗೆ ಫೋನಿನಲ್ಲೇ ತಲಾಕ್ ನೀಡಿರುವ ಘಟನೆ ಉತ್ತರಪ್ರದೇಶದ ಅಮ್ರೋಹಾದಲ್ಲಿ ನಡೆದಿದೆ. ಈ ರೀತಿ ಪತಿ ತಲಾಖ್ ಕೊಟ್ಟಿರುವುದು ಯಾರಿಗೆ ಗೊತ್ತಾ..? ನ್ಯಾಶನಲ್ ನೆಟ್ ಬಾಲ್ ಪ್ಲೇಯರ್ ಶುಮೈಲಾ ಜಾವೆದ್`ಗೆ.
ಲಖನೌದಿಂದ 380 ಕಿ.ಮೀ ದೂರದ ಅಮ್ರೋಹಾದ ತನ್ನ ತವರು ಮನೆಯಲ್ಲಿ ಶುಮೈಲಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾಳೆ. ಸುದ್ದಿ ತಿಳಿಯುತ್ತಿದ್ದಂತೆ ಕರೆ ಮಾಡಿದ ಪತಿ, ಫೋನಿನಲ್ಲೇ ತಲಾಖ್ ತಲಾಖ್ ತಲಾಖ್ ಎಂದು ಹೇಳಿದ್ದಾನೆ. ಕ್ರೀಡಾ ಪಟು ಇದೀಗ ನ್ಯಾಯಕ್ಕಾಗಿ ಸಿಎಂ ಆದಿತ್ಯಾನಾಥ್`ಗೆ ಮೊರೆ ಇಟ್ಟಿದ್ದಾರೆ.
ಆಗ್ರಾದ ಮತ್ತೊಂದು ಪ್ರಕರಣದಲ್ಲಿ ಅವಳಿ ಹೆಣ್ಣುಮಕ್ಕಳಿಗೆ ಜನ್ಮ ನೀಡಿದಳೆಂಬ ಕಾರಣಕ್ಕೆ 22 ವರ್ಷದ ಅಫ್ರಿನ್ ಎಂಬ ಮಹಿಳೆಗೆ ಪತಿ ತಲಾಖ್ ನೀಡಿರುವ ಬಗ್ಗೆ ವರದಿಯಾಗಿದೆ. ಈ ಪುಣ್ಯಾತ್ಮ ಫೇಸ್ಬುಕ್`ನಲ್ಲಿ ಮೆಸೇಜ್ ಕಳುಹಿಸಿ ತಲಾಖ್ ಕೊಟ್ಟಿದ್ದಾನಂತೆ.
ತ್ರಿವಳಿ ತಲಾಖ್ ರದ್ದಿಗೆ ಒತ್ತಾಯಿಸಿ ಸಾವಿರಾರು ಮುಸ್ಲಿಂ ಮಹಿಳೆಯರು ಈಗಾಗಲೇ ಸುಪ್ರೀಂಕೋರ್ಟ್`ಗೆ ಅರ್ಜಿ ಸಲ್ಲಿಸಿದ್ದು, ತ್ರಿವಳಿ ತಲಾಖ್ ಕಾನೂನು ಮಾನ್ಯತೆ ಬಗ್ಗೆ ಸುಪ್ರೀಂಕೋರ್ಟ್ ವಿಚಾರಣೆ ನಡೆಸುತ್ತಿರುವ ಸಂದರ್ಭದಲ್ಲೇ ತಲಾಖ್ ಪ್ರಕರಣಗಳು ಹೆಚ್ಚಾಗುತ್ತಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ