ಸಿಎಂ ಪರಿಹಾರ ನಿಧಿಯಿಂದಲೇ ಹಣ ದೋಚಿದ ವಂಚಕರು

ನವದೆಹಲಿ: ಅಸ್ಸಾಂನ ಮುಖ್ಯಮಂತ್ರಿಗಳ ಪರಿಹಾರ ನಿಧಿಯಿಂದಲೇ ವಂಚಕರ ಗುಂಪೊಂದು ಹಣ ದೋಚಿದ ಘಟನೆ ನಡೆದಿದೆ.

ಈ ಸಂಬಂಧ ಐವರನ್ನು ಬಂಧಿಸಲಾಗಿದೆ. ಮುಖ್ಯಮಂತ್ರಿಗಳ ಕಚೇರಿಯ ವಿಶೇಷಾಧಿಕಾರಿಗಳಿಗೆ ಪರಿಹಾರ ನಿಧಿ ಖಾತೆಯಲ್ಲಿ ಗೋಲ್ ಮಾಲ್ ನಡೆದಿರುವ ಮಾಹಿತಿ ಬಂದಿದೆ. ಈ ಬಗ್ಗೆ ವಿಚಾರಿಸಿದಾಗ ಲಕ್ನೋ ಮೂಲದ ವ್ಯಕ್ತಿ ಈ ರೀತಿ ಅನುಮಾನಸ್ಪದವಾಗಿ ಹಣ ವಿತ್ ಡ್ರಾ ಮಾಡಿರುವುದು ತಿಳಿದುಬಂದಿದೆ. ಬಳಿಕ ಪೊಲೀಸರಿಗೆ ದೂರು ನೀಡಲಾಗಿದ್ದು, ಈ ವಂಚನೆಯಲ್ಲಿ ಭಾಗಿಯಾಗಿದ್ದ ಐವರನ್ನು ಬಂಧಿಸಲಾಗಿದೆ.