ಅಣ್ಣ ಕೊಡಬೇಕಾದ ಸಾಲಕ್ಕೆ ಬದಲಾಗಿ ತಂಗಿಯನ್ನು ದೈಹಿಕವಾಗಿ ಬಳಸಿಕೊಂಡ ಫೈನಾನ್ಸಿಯರ್

ಬೆಂಗಳೂರು : ಅಣ್ಣ ಕೊಡಬೇಕಾದ ಸಾಲಕ್ಕೆ ಬದಲಾಗಿ ಆತನ ಸಹೋದರಿಯನ್ನು 2 ವರ್ಷಗಳಿಂದ ದೈಹಿಕವಾಗಿ ಬಳಸಿಕೊಂಡ ಘಟನೆ ನಡೆದಿರುವುದಾಗಿ ತಿಳಿದುಬಂದಿದೆ.

ಬೆಂಗಳೂರಿನ ಪ್ರತಿಷ್ಠಿತ ಕಂಪನಿಯೊಂದರಲ್ಲಿ ಸಾಫ್ಟ್ ವೇರ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿರುವ ಯುವತಿ, ಅಣ್ಣ ಮತ್ತು ಅತ್ತಿಗೆಯೊಂದಿಗೆ ವಾಸವಾಗಿದ್ದಳು. ಆಕೆಯ ಸಹೋದರ ಶೇರು ಮಾರುಕಟ್ಟೆ ವ್ಯವಹಾರ ನಡೆಸುತ್ತಿದ್ದು, ಫೈನಾನ್ಸಿಯರ್ ಒಬ್ಬನಿಂದ ಹಣ ಪಡೆದುಕೊಂಡಿದ್ದರು. ಆದರೆ ವ್ಯವಹಾರದಲ್ಲಿ ನಷ್ಟವಾಗಿದ್ದ ಕಾರಣ ಸಾಲದ ಹಣ ಪಾವತಿಸಲು ಸಾಧ್ಯವಾಗಿರಲಿಲ್ಲ.

ಈ ಹಿನ್ನಲೆಯಲ್ಲಿ ಫೈನಾನ್ಸಿಯರ್ ಅಣ್ಣ ಕೊಡಬೇಕಾದ ಸಾಲಕ್ಕೆ ಬದಲಾಗಿ ಯುವತಿಯನ್ನು 2 ವರ್ಷಗಳಿಂದ ದೈಹಿಕವಾಗಿ ಬಳಸಿಕೊಂಡಿದ್ದಾನೆ. ಹಣ ಕೊಡಲು ಆಗದ ಕಾರಣ ಯುವತಿ ಫೈನಾನ್ಸಿಯರ್ ಹೇಳಿದಂತೆ ಕೇಳಿದ್ದಾಳೆ. ಆದರೆ ಫೈನಾನ್ಸಿಯರ್ ಕಿರುಕುಳ ಹೆಚ್ಚಾದ ಹಿನ್ನಲೆಯಲ್ಲಿ ನೊಂದ ಯುವತಿ ಹುಳಿಮಾವು ಠಾಣೆಗೆ ದೂರು ನೀಡಿದ್ದಾಳೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.