ತಿಮ್ಮಣ್ಣ(70) ಹುಡುಗಿ ಆಸೆಗೆ ಕೊಲೆಯಾದ ವೃದ್ದ, ಅಜಯ್, ನಾಗರಾಜ್, ಕಿರಣ್, ನಾಗರಾಜ್ ಕೊಲೆ ಮಾಡಿದ ಬ್ರೋಕರ್ ಗಳು. ಪತ್ನಿಯನ್ನು ಕಳೆದುಕೊಂಡಿದ್ದ ವೃದ್ದನ ಮಕ್ಕಳಿಬ್ಬರು ಮದುವೆಯಾಗಿ ಬೇರೆ ಕಡೆ ಸಂಸಾರ ಮಾಡುತ್ತಿದ್ದ ಕಾರಣ ಒಂಟಿಯಾಗಿದ್ದ ವೃದ್ದನಿಗೆ ಆಸರೆಗೆ ಪತ್ನಿ ಬೇಕಾಗಿದ್ದರಿಂದ ಬ್ರೋಕರ್ ಗೆ 2 ಲಕ್ಷ ರೂ ನೀಡಿ ಹುಡುಗಿ ಹುಡುಕಿಕೊಡುವಂತೆ ಹೇಳಿದ್ದ. ಆದರೆ ಹುಡುಗಿ ಸಿಗದ ಕಾರಣ ಹಣ ವಾಪಸ್ ಕೇಳಿದ್ದಕ್ಕೆ ನಾಲ್ವರು ಸೇರಿ ವೃದ್ದನ ತಲೆಗೆ ಹೊಡೆದು ಕೊಲೆ ಮಾಡಿದ್ದಾರೆ.
ಈ ಘಟನೆಗೆ ಸಂಬಂಧಿಸಿದಂತೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರಿಗೆ ಮರಣೋತ್ತರ ಪರೀಕ್ಷೆಯಲ್ಲಿ ವೃದ್ದ ತಲೆಗೆ ಬಲವಾದ ಏಟು ಬಿದ್ದ ಕಾರಣ ಮೃತಪಟ್ಟ ವಿಚಾರ ತಿಳಿದು ಪ್ರಕರಣದ ತನಿಖೆ ನಡೆಸಿದಾಗ ಆರೋಪಿಗಳು ಸಿಕ್ಕಿಬಿದ್ದಿದ್ದು, ಇದೀಗ ಅವರನ್ನು ಬಂಧಿಸಿದ್ದಾರೆ.
