ಹಣ ಕೊಟ್ಟು ಕಾಂಗ್ರೆಸ್ ಸಮಾವೇಶಕ್ಕೆ ಜನರನ್ನು ಕರೆತರಲ್ವಾ? ಎಂದು ಕಾಂಗ್ರೆಸ್ ನಾಯಕ ಜನಾರ್ದನ್ ಪೂಜಾರಿ ಸ್ವಪಕ್ಷದ ನಾಯಕರನ್ನು ನೇರವಾಗಿ ಪ್ರಶ್ನಿಸುವ ಮೂಲಕ ಕಾಂಗ್ರೆಸ್ ಸಮಾವೇಶಕ್ಕೆ ಹಣ ನೀಡಿ ಜನರನ್ನು ಕರೆತರಲಾಗುತ್ತದೆ ಎಂದು ಹೇಳಿದರು.
ಮಂಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಹಣ ಕೊಟ್ಟು ಕಾಂಗ್ರೆಸ್ ಸಮಾವೇಶಕ್ಕೆ ಜನರನ್ನು ಕರೆತರಲ್ವಾ? 1 ಲಕ್ಷ ಜನರನ್ನು ಸೇರಿಸಲು 500, 1000 ರೂಪಾಯಿ ನೋಟುಗಳನ್ನು ನೀಡಲ್ವಾ? 1 ರೂಪಾಯಿ ನೋಟು ನೀಡಿ ಜನರನ್ನು ಸೇರಿಸ್ತೀರಾ? ಎಂದು ಕಾಂಗ್ರೆಸ್ ಪ್ರಶ್ನಿಸಿದ್ದರು.
ಇಂದಿರಾ ಗಾಂಧಿ ಜನ್ಮ ಶತಾಬ್ಧಿ ಎಂದರೆ ಸರಳವಾಗಿರುವುದಿಲ್ಲ. ರಾಜ್ಯದಲ್ಲಿ ತೀವ್ರ ಬರಗಾಲ ಇರುವುದರಿಂದ ಈ ಅದ್ಧೂರಿ ಸಮಾವೇಶದಲ್ಲಿ ಶಾಸಕರು ಹಾಗೂ ಸಚಿವರು ಭತ್ತೆ ಸ್ವೀಕರಿಸುವದಿಲ್ಲ ಎಂದು ಘೋಷಿಸಬೇಕು. ನಾನು ಈ ಅದ್ಧೂರಿ ಸಮಾವೇಶಕ್ಕೆ ಹೋಗುವುದಿಲ್ಲ ಎಂದು ಸ್ಪಷ್ಟಪಡಿಸಿದರು
ಸಮಾವೇಶಕ್ಕೆ ಶಾಸಕು ಹಾಗೂ ಸಚಿವರು ಕಾಕತಾಳೀಯವಾಗಿ ಬಂದು ಹೋದರೆ ಈ ಪೂಜಾರಿ ಸುಮ್ಮನೆ ಬಿಡುವುದಿಲ್ಲ ಎಂದು ಖಡಕ್ ಎಚ್ಚರಿಕೆ ನೀಡಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
