ಬೆಂಗಳೂರು: ನಾನು ಮಾಡಿದ ಆರೋಪಗಳು ನೂರು ಶೇಕಡಾ ಸತ್ಯ. ನನ್ನ ಮಾತಿಗೆ ಈಗಲೂ ಬದ್ಧ. ಆದರೆ ನನ್ನ ಆರೋಪಗಳನ್ನು ತಳ್ಳಿ ಹಾಕುತ್ತಾ ಹಗುರವಾಗಿ ಮಾತನಾಡಬೇಡಿ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್ ಯಡಿಯೂರಪ್ಪ ಮುಖ್ಯಮಂತ್ರಿ ಸಿದ್ಧರಾಮಯ್ಯಗೆ ಎಚ್ಚರಿಕೆ ನೀಡಿದ್ದಾರೆ.
ಸಿದ್ಧರಾಮಯ್ಯ ವಿರುದ್ಧ ಒಂದೊಂದೇ ಹಗರಣಗಳ ಸರಮಾಲೆ ಬಿಚ್ಚಿಡುತ್ತಿರುವ ಯಡಿಯೂರಪ್ಪ ಆರೋಪ ಸಾಬೀತಾದ್ರೆ ರಾಜೀನಾಮಗೆ ಸಿದ್ಧರಾಗಿ ಎಂದು ರಣ ಕಹಳೆ ಮೊಳಗಿಸಿದ್ದಾರೆ. ಯಡಿಯೂರಪ್ಪ ಆರೋಪಗಳನ್ನು ತಳ್ಳಿ ಹಾಕಿರುವ ಸಿದ್ಧರಾಮಯ್ಯ ಯಡಿಯೂರಪ್ಪ ಒಬ್ಬ ಡೋಂಗಿ ರಾಜಕಾರಣಿ, ರಾಜ್ಯ ಕಂಡ ಅತೀ ಭ್ರಷ್ಟ ನಾಯಕ ಎಂದು ಯಡಿಯೂರಪ್ಪನವರನ್ನು ಮತ್ತಷ್ಟು ಕೆರಳಿಸಿದೆ.
ಧೈರ್ಯವಿದ್ದರೆ ನಾನು ಹೇಳಿದ ಆರೋಪಗಳ ಕುರಿತು ತನಿಖೆ ಮಾಡಲಿ. ಅದೆಲ್ಲಾ ಸುಳ್ಳು ಎಂದು ಸುಮ್ಮನಾಗುವುದಲ್ಲ. ಈ ದೇಶದಲ್ಲಿ ಕಾನೂನು ವ್ಯವಸ್ಥೆಯಿದೆ. ಅದರ ಮೂಲಕ ತನಿಖೆ ಮಾಡಲಿ ನೋಡೋಣ. ಅದನ್ನು ಬಿಟ್ಟು ನನ್ನ ಬಗ್ಗೆ ಹಗುರವಾಗಿ ಮಾತನಾಡಿ ಮಾತು ಹಾರಿಸುವುದಲ್ಲ ಎಂದು ಸವಾಲು ಹಾಕಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
