ಉಡುಪಿ: ಪ್ರಿಯತಮೆ ಜತೆಗಿನ ವಾಗ್ವಾದಿಂದ ರೋಸಿಹೋದ ಖಾಸಗಿ ಬಸ್ ಚಾಲಕನೊಬ್ಬ ಬಸ್ ಅನ್ನು ಅಲ್ಲೇ ನಿಲ್ಲಿಸಿ ಹೊರಟು ಹೋದ ಘಟನೆ ಉಡುಪಿಯಲ್ಲಿ ನಡೆದಿದೆ.
ಘಟನೆ ಹಿನ್ನೆಲೆ: ಉಡುಪಿಯಿಂದ ಸಂತೆಕಟ್ಟೆ ಭಾಗಕ್ಕೆ ತೆರಳುತ್ತಿದ್ದ ಖಾಸಗಿ ಬಸ್‌ಗೆ ಚಾಲಕನ ಪ್ರಿಯತಮೆ ನಿಟ್ಟೂರು ಬಳಿ ಬಸ್ ಹತ್ತಿದ್ದಾಳೆ. ಈ ವೇಳೆ ಇಬ್ಬರ ನಡುವೆ ವಾಗ್ವಾದ ಶುರುವಾಗಿದೆ. ಇವರಿಬ್ಬರ ವಾಗ್ವಾದ ತಾರಕಕ್ಕೆ ಏರುತ್ತಿದ್ದ ಹಾಗೇ ಇಬ್ಬರನ್ನು ಸಮಾಧಾನ ಪಡಿಸಲು ಬಸ್ ನಿರ್ವಾಹಕ ಯತ್ನಿಸಿದ್ದಾನೆ.
ಇನ್ನೂ ಪ್ರೇಯಸಿಯ ಕಿರಿಕಿರಿಯಿಂದ ರೋಸಿ ಹೋದ ಚಾಲಕ ಚಿತ್ರಮಂದಿರದ ಸ್ವಲ್ಪ ಮುಂದಕ್ಕೆ ಬಸ್ ನಿಲ್ಲಿಸಿ ಹೊರಟು ಹೋಗಿದ್ದಾನೆ. ಇನ್ನೂ ಪ್ರಿಯತಮೆಯೂ ಇಳಿದುಹೋಗಿದ್ದಾಳೆ. ಇನ್ನೂ ಬಸ್‌ನಲ್ಲಿದ್ದ ಇತರ ಪ್ರಯಾಣಿಕರು ಇವರಿಬ್ಬರ ಜಗಳವನ್ನೇ ನೋಡಿ ಬಾಕಿಯಾಗಿದ್ದಾರೆ. ಕೊನೆಗೂ ದಿಕ್ಕು ತೋಚದ ಬಸ್ ನಿರ್ವಾಹಕ ತಾನೇ ಬಸ್ ಅನ್ನು ಓಡಿಸಿದ್ದಾನೆ.