ಕಾರವಾರ ಕಡಲತೀರ ಅಳ್ವೆವಾಡದಲ್ಲಿರುವ 25 ಎಕರೆ ಅರಣ್ಯ ಪ್ರದೇಶವನ್ನು ಕೋಸ್ಟ್ ಗಾರ್ಡ್‌ಗೆ ನೀಡುವ ನನ್ನ ಅಭಿಪ್ರಾಯಕ್ಕೆ ಕೆಲವರಿಂದ ಆಕ್ಷೇಪ ಕೇಳಿ ಬಂದಿದೆ. ಹಾಗಾಗಿ, ಜನರ ನಿರ್ಧಾರಕ್ಕೆ ನಾನು ಬದ್ಧವಾಗಿದ್ದೇನೆ ಎಂದು ಶಾಸಕ ಸತೀಶ್ ಸೈಲ್ ಹೇಳಿದ್ದಾರೆ.
ಕಾರವಾರ ಕಡಲತೀರದಲ್ಲಿ ಕೋಸ್ಟ್ ಗಾರ್ಡ್‌ಗೆ ನೀಡಿರುವ 13.20 ಎಕರೆ ಅರಣ್ಯ ಭೂಮಿಯನ್ನು ರದ್ದು ಮಾಡಿ, ಬದಲಿಗೆ 3.20 ಎಕರೆ ಭೂ ಪ್ರದೇಶವನ್ನು ವಿವೇಕರ ಕಾಲೇಜಿನ ಹೋವರ್ ಕ್ರಾಫ್ಟ್ ನಿಲುಗಡೆಗೆ ಜಿಲ್ಲಾಧಿಕಾರಿಗಳು ಆದೇಶ ನೀಡಿದ್ದಾರೆ ಎಂದರು.
ಭಾರತದ ಕಡಲತೀರ ಹಾಗೂ ಸಮುದ್ರ ನೆಲೆಯ ರಕ್ಷಣೆ ದೇಶದ ಉನ್ನತ ಮಟ್ಟದ ರಕ್ಷಣಾ ಇಲಾಖೆಯದ್ದು ಎಂದು ಶಾಸಕರು ತಿಳಿಸಿದರು.
ಕೋಸ್ಟ್ ಗಾರ್ಡ್‌ಗೆ ಭೂಮಿಯನ್ನು ನೀಡುವುದು ಬೇಡ ಎಂದರೆ ನಾನು ಸಹ ಜನರ ಪರವಾಗಿದ್ದೇನೆ. ಸಾರ್ವಜನಿಕರ ನಿರ್ಧಾರಕ್ಕೆ ನಾನು ಬದ್ಧವಾಗಿದ್ದೇ ಎಂದು ಶಾಸಕ ಸತೀಶ್ ಸೈಲ್ ತಿಳಿಸಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ