ಬಿಜೆಪಿ ರಾಜ್ಯಾಧ್ಯಕ್ಷರ ಹುದ್ದೆಗೆ ನಾನು ಟವೆಲ್ ಹಾಕಿದ್ದೀನಿ ಎಂದಿರುವ ವಿಜಯಪುರ ನಗರ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಗೆ ಸ್ವಪಕ್ಷದ ಮಾಜಿ ಸಚಿವರೇ ತಿವಿದಿದ್ದಾರೆ.
ಶಾಸಕ ಯತ್ನಾಳ ಗೆ ಟಾಂಗ್ ನೀಡಿದ್ದಾರೆ ಮಾಜಿ ಸಚಿವ ಅಪ್ಪು ಪಟ್ಟಣಶೆಟ್ಟಿ. ವಿಜಯಪುರದಲ್ಲಿ ಮಾಜಿ ಸಚಿವ ಅಪ್ಪು ಪಟ್ಟಣಶೆಟ್ಟಿ ಹೇಳಿಕೆ ನೀಡಿದ್ದು, ಬಿಜೆಪಿ ಅಧ್ಯಕ್ಷರ ಖುರ್ಚಿ ಮೇಲೆ ಟವೆಲ್ ಹಾಗೂ ಕರ್ಚೀಫ್ ಹಾಕೇನಿ ಅನ್ನೋದು ಹುಡುಗಾಟಿಕೆಯಲ್ಲ.
ಟವೆಲ್ ಹಾಕೋಕೆ ಅದು, ರೈಲ್ವೆ ಹಾಗೂ ಬಸ್ ಅಲ್ಲ ಎಂದ ಕುಟುಕಿದ್ದಾರೆ. ಟವೆಲ್ ಹಾಕೇನೆಂದು ಯತ್ನಾಳ ಹೇಳುವುದು ಸರಿಯಲ್ಲ. ರಾಷ್ಟ್ರೀಯ ಅಧ್ಯಕ್ಷರು ತೆಗೆದುಕೊಳ್ಳುವ ತೀರ್ಮಾನಕ್ಕೆ ನಾನು ಬದ್ಧನಾಗಿದ್ದೇನೆ.
ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ನಾನೂ ಆಕಾಂಕ್ಷಿಯಾಗಿದ್ದೇನೆ ಎಂದ್ರು. ಜಾತಿ ಮೇಲೆ ಲಾಬಿ ಮಾಡುವುದು ಸರಿಯಲ್ಲ ಅಂತ ಪಟ್ಟಣಶೆಟ್ಟಿ ಹೇಳಿದ್ದಾರೆ.
