ಬಜೆಟ್ ಅಧಿವೇಶದಲ್ಲಿ ಎಸಿಬಿ ವಿಚಾರವಾಗಿ ಅಡಳಿತರೂಢ ಮತ್ತು ವಿಪಕ್ಷಗಳ ಮಧ್ಯೆ ಕಾವೇರಿದ ಚರ್ಚೆ ಮುಂದುವರೆದಿದ್ದರೆ ಅರಣ್ಯ ಖಾತೆ ಸಚಿವ ರಮಾನಾಥ್ ರೈ ಗಡದ್ದಾಗಿ ನಿದ್ರೆಗೆ ಶರಣಾಗಿದ್ದರು.
ಜೆಡಿಎಸ್ ಶಾಸಕ ಎನ್.ಎಚ್.ಕೋನರೆಡ್ಡಿ ಮತ್ತು ನವಲಗುಂದ ಜೆಡಿಎಸ್ ಶಾಸಕ ಕೂಡಾ ನಿದ್ರೆಗೆ ಶರಣಾಗಿರುವುದು ಕಂಡುಬಂದಿತು. ಸದನದಲ್ಲಿ ವಿಪಕ್ಷಗಳು ಅಡಳಿತವನ್ನು ಪಕ್ಷವನ್ನು ತರಾಟೆಗೆ ತೆಗೆದುಕೊಳ್ಳುತ್ತಿದ್ದರೆ, ಕಲಾಪಕ್ಕೂ ತಮಗೂ ಯಾವುದೇ ಸಂಬಂಧವಿಲ್ಲದಂತೆ ಸಚಿವ ರೈ ನಿದ್ರೆಗೆ ಜಾರಿದ್ದರು.
ವಿಪಕ್ಷ ನಾಯಕ ಶೆಟ್ಟರ್ ಅಧಿವೇಶನದಲ್ಲಿ ಎಸಿಬಿ ವಿಚಾರವಾಗಿ ಸಮರ್ಥವಾಗಿ ವಾದ ಮಂಡಿಸಿ ಸರಕಾರವನ್ನು ಟೀಕಿಸುತ್ತಿದ್ದರೆ, ಇತ್ತ ಸಚಿವರು, ಸರಕಾರಕ್ಕೆ ಯಾರು ಟೀಕಿಸಿದ್ರೆ ನಮಗೇನು ಎನ್ನುವಂತೆ ನಿದ್ರಾದೇವಿಯ ಮಡಿಲಲ್ಲಿ ತೇಲುತ್ತಿರುವುದು ವಿಧಾನಸಭೆಯಲ್ಲಿ ಚರ್ಚೆಗೆ ಗ್ರಾಸವಾಯಿತು.
