ಬಸ್ ಕಂಡಕ್ಟರ್ ಮೇಲೆ ಹಳೇ ಸೇಡು, ಇಟ್ಟಿಗೆ ತೆಗೆದು ಎಸೆದೇ ಬಿಟ್ಟ ಪ್ರಯಾಣಿಕ: ವಿಡಿಯೋ ವೈರಲ್

Photo Courtesy X

ಬೆಂಗಳೂರು: ಬಿಎಂಟಿಸಿ ಬಸ್ ಕಂಡಕ್ಟರ್ ಮೇಲೆ ಕೋಪಗೊಂಡ ಪ್ರಯಾಣಿಕನೊಬ್ಬ ಕಲ್ಲಿನಿಂದ ಹಲ್ಲೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮಧ್ಯಾಹ್ನ ವೇಳೆ ಊಟ ಮಾಡುತ್ತಿದ್ದ ಸರ್ಕಾರಿ ಬಸ್ ಕಂಡಕ್ಟರ್ ಸಂಗಪ್ಪ ಚಿತ್ತಲಗಿ ಮೇಲೆ ವ್ಯಕ್ತಿಯೊಬ್ಬ ಏಕಾಏಕಿ ಕಲ್ಲಿನಿಂದ ಹಲ್ಲೆ ಮಾಡಿದ್ದಾನೆ.

ವೈರಲ್‌ ಆಗುತ್ತಿರುವ ಈ ವಿಡಿಯೋದಲ್ಲಿ ಮಧ್ಯಾಹ್ನದ ವೇಳೆ ಬಸ್‌ನಲ್ಲಿ ಊಟ ಸೇವಿಸುತ್ತಿದ್ದ ಕಂಡಕ್ಟರ್ ಮೇಲೆ  ಇಟ್ಟಿಗೆಯಿಂದ ಹಲ್ಲೆ ಮಾಡಿದ್ದಾನೆ. ಆರೋಪಿಯನ್ನು ಹಿಡಿದು ಪೊಲೀಸರ ಕೈಗೆ ಒಪ್ಪಿಸಲಾಗಿದೆ. ಇನ್ನೂ ಈ ಹಲ್ಲೆಗೆ  ಬಸ್ ಪಾಸ್ ವಿಚಾರವಾಗಿ ಕಂಡಕ್ಟರ್ ಹಾಗೂ ಆರೋಪಿ ನಡುವೆ ನಡೆದ ಗಲಾಟೆ ಕಾರಣ ಎನ್ನಲಾಗಿದೆ.

ಘಟನೆಯ ಮೂರು ದಿನಗಳ ಹಿಂದೆ ಕಂಡಕ್ಟರ್ ಹಾಗೂ ಪ್ರಯಾಣಿಕ ನಡುವೆ ಜಗಳ ನಡೆದಿದೆ. ಸೇಡು ತೀರಿಸಿಕೊಳ್ಳುವ ಸಲುವಾಗಿ ಪ್ರಯಾಣಿಕ ಇದೀಗ ಕಂಡಕ್ಟರ್ ಮೇಲೆ ಹಲ್ಲೆ ಮಾಡಿರುವುದಾಗಿ ಒ‍ಪ್ಪಿಕೊಂಡಿದ್ದಾನೆ.

In #Bengaluru: A #BMTC bus conductor (500 EB/10) was assaulted on the head with a brick by an angry passenger near Tin Factory on ORR. He was chased & caught.

Trigger: The conductor & passenger had an argument over bus pass three days ago & the latter wanted to take revenge! pic.twitter.com/Eor6q50d3y

— TOI Bengaluru (@TOIBengaluru) October 24, 2024