ಚೆನ್ನೈ : ತಮಿಳು ಚಿತ್ರರಂಗದ ಪ್ರಮುಖ ನಟಿಯರಲ್ಲಿ ನಟಿ ತ್ರಿಶಾ ಕೂಡ ಒಬ್ಬರು. ಇವರು ಸ್ಟಾರ್ ನಟರಾದ ವಿಜಯ್, ಸಿಂಬು, ಅಜಿತ್, ಧನುಷ್, ವಿಕ್ರಮ್ ಅವರ ಜೊತೆಯಲ್ಲಿ ನಟಿಸಿದ್ದಾರೆ. ಇದೀಗ ನಟಿ ತ್ರಿಶಾ ಅವರು ತಮ್ಮ ಮದುವೆಯ ಬಗ್ಗೆ ಮಾತನಾಡಿದ್ದಾರೆ.
ಈ ಹಿಂದೆ ನಟಿ ತ್ರಿಶಾ ಪ್ರಸಿದ್ಧ ಉದ್ಯಮಿಯ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡರು. ಆದರೆ ಕೆಲವು ಕಾರಣಗಳಿಂದ ಈ ಮದುವೆ ಮುರಿದುಬಿತ್ತು. ಬಳಿಕ ಅವರು ನಟ ರಾಣಾ ಅವರನ್ನು ಪ್ರೀತಿಸುತ್ತಿದ್ದು ಅವರನ್ನು ಮದುವೆಯಾಗಲಿದ್ದಾರೆ ಎಂಬ ವದಂತಿ ಕೇಳಿಬಂದಿತ್ತು.
ಇದೀಗ ತಮ್ಮ ಮದುವೆ ಹಾಗೂ ವರನ ಬಗ್ಗೆ ಮಾತನಾಡುತ್ತಾ, ನನ್ನನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಂಡ ವ್ಯಕ್ತಿಯನ್ನು ನಾನು ಮದುವೆಯಾಗುತ್ತೇನೆ. ನಾನು ಅಂತಹ ವ್ಯಕ್ತಿಯನ್ನು ಭೇಟಿಯಾದಾಗ ನನ್ನ ಮದುವೆ ಸಂಭವಿಸುತ್ತದೆ. ಅಲ್ಲಿಯವರೆಗೆ ನಾನು ಒಬ್ಬಂಟಿ. ಒಂದು ವೇಳೆ ನನಗೆ ಅಂತಹ ವ್ಯಕ್ತಿ ಸಿಗದಿದ್ದರೆ ನಾನು ಹೀಗೆ ಇರುತ್ತೇನೆ ಎಂದು ಹೇಳಿದ್ದಾರೆ.
