ರಾಜಸ್ಥಾನ್ ನಲ್ಲಿ ಯಶ್-ರಾಧಿಕಾ ವ್ಯಾಲೆಂಟೈನ್ಸ್ ಡೇ

Photo Courtesy: Instagram

ಉದಯಪುರ: ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ನಿನ್ನೆ ವ್ಯಾಲೆಂಟೈನ್ಸ್ ದಿನವನ್ನು ರಾಜಸ್ಥಾನ್ ನಲ್ಲಿ ಆಚರಿಸಿಕೊಂಡಿದ್ದಾರೆ.

ಮಕ್ಕಳನ್ನು ಬಿಟ್ಟು ಯಶ್ ಮತ್ತು ರಾಧಿಕಾ ಉದಯಪುರಕ್ಕೆ ಖಾಸಗಿ ವಿಮಾನದಲ್ಲಿ ತೆರಳಿದ್ದರು. ಈ ಫೋಟೋ, ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು.

ನಿನ್ನೆ ರಾತ್ರಿ ಯಶ್ ಜೊತೆ ರಾಜಸ್ಥಾನ್ ನ ಸುಂದರ ತಾಣದಲ್ಲಿ ರಾಧಿಕಾ ವ್ಯಾಲೆಂಟೈನ್ಸ್ ಡೇ ಆಚರಿಸಿಕೊಂಡ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಯಶ್ ಮತ್ತು ರಾಧಿಕಾ ಹಲವು ವರ್ಷ ಪ್ರೀತಿಸಿ ಬಳಿಕ ಮದುವೆಯಾದ ಜೋಡಿ. ಪ್ರತೀ ವರ್ಷ ಪ್ರೇಮಿಗಳ ದಿನವನ್ನು ಇಬ್ಬರೂ ಖುಷಿಯಿಂದ ಕಳೆಯುತ್ತಾರೆ. ಈಗ ಖಾಸಗಿ ಕ್ಷಣಗಳನ್ನು ಕಳೆಯುವುದಕ್ಕಾಗಿ ರಾಜಸ್ಥಾನಕ್ಕೆ ತೆರಳಿದ್ದಾರೆ.