ಯಡಿಯೂರಪ್ಪ ಪಾತ್ರ ಮಾಡಲಿರುವ ಹೀರೋ ಯಾರು ಗೊತ್ತಾ?!

ಬೆಂಗಳೂರು: ಬಿಜೆಪಿ ರಾಜ್ಯಾಧ್ಯಕ್ಷ ಯಡಿಯೂರಪ್ಪ ಬಗ್ಗೆ ಸಿನಿಮಾ ತಯಾರಾಗಲಿದೆ ಎಂಬ ಸುದ್ದಿ ಈ ಹಿಂದೆ ಓದಿರುತ್ತೀರಿ. ಅಷ್ಟಕ್ಕೂ ಈ ಸಿನಿಮಾದಲ್ಲಿ ಯಡಿಯೂರಪ್ಪ ಪಾತ್ರ ಮಾಡಲಿರುವವರು ಯಾರು ಗೊತ್ತಾ?!

ನಟ ಉಪೇಂದ್ರ ಅಂತೆ. ಹಾಗಂತ ಚಿತ್ರ ನಿರ್ಮಾಪಕ ಬಿಜೆಪಿ ನಾಯಕ ರುದ್ರಪ್ಪ ಹೇಳಿದ್ದಾರೆ. ಈ ಸಿನಿಮಾದಲ್ಲಿ ಯಡಿಯೂರಪ್ಪ ಪಾತ್ರ ಮಾಡಲು ಉಪೇಂದ್ರರನ್ನು ಸಂಪರ್ಕಿಸಲಾಗಿದೆ ಎಂದಿದ್ದಾರೆ. ಉಪೇಂದ್ರ ಒಪ್ಪಿದ್ದಾರಾ ಇಲ್ಲವಾ ಎನ್ನುವುದು ಗೊತ್ತಾಗಿಲ್ಲ.

ಆದರೆ ನಿರ್ಮಾಪಕರಂತೂ ಫುಲ್ ತಯಾರಿ ಮಾಡಿಕೊಂಡಿದ್ದಾರೆ. ನೇಗಿಲ ಯೋಗಿ ಅಥವಾ ಮಣ್ಣಿನ ಮಗ ಎಂಬ ಟೈಟಲ್ ನ್ನು ಫಿಲಂ ಚೇಂಬರ್ ನಲ್ಲಿ ರಿಜಿಸ್ಟರ್ ಮಾಡಲಾಗಿದೆಯಂತೆ. ಬಿಜೆಪಿಯವರೇ ಆದ ನಟ ಜಗ್ಗೇಶ್, ಶ್ರುತಿ, ಶ್ರೀನಗರ ಕಿಟ್ಟಿ, ಕುಮಾರ್ ಬಂಗಾರಪ್ಪ ಮುಂತಾದವರು ಈ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಆದರೆ ಯಡಿಯೂರಪ್ಪ ಮಾತ್ರ ನನ್ನ ಮುಂದೆ ಸದ್ಯಕ್ಕೆ ಚುನಾವಣೆ ಇದೆ. ಚುನಾವಣೆ ಬಿಟ್ಟು ಬೇರೆ ಯಾವುದರ ಬಗ್ಗೆಯೂ ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದು ಪ್ರತಿಜ್ಞೆ ಮಾಡಿದ್ದಾರೆ.

http://kannada.fantasycricket.webdunia.com
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ