ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಇಂತಹ ಚಿತ್ರ ದಿನಕ್ಕೊಂದು ಹುಟ್ಟಿಕೊಳ್ಳುತ್ತದೆ. ಇದನ್ನೆಲ್ಲಾ ನೋಡಲು ಜನ ಬರ್ತಾರಾ ಎಂದು ಈ ಚಿತ್ರದ ನಿರ್ದೇಶಕನನ್ನು ಯಾರೋ ಕೇಳಿದರಂತೆ. ಯಾರು ಬರಲಿ ಬಿಡಲಿ ನಾನು ಚಿತ್ರ ಮಾಡುವುದಂತೂ ಪಕ್ಕಾ ಎಂದು ಈ ಚಿತ್ರ ಮಾಡಿದರಂತೆ ಈ ನಿರ್ದೇಶಕರು. ಇದು ಯಾವ ಚಿತ್ರ?
ಜಾಗೃತಿ ಎನ್ನುವ ಟೈಟಲ್ ಇಟ್ಟುಕೊಂಡು ಮಾಡಿರುವ ಸಾಮಾಜಿಕ ಕಳಕಳಿಯಿರುವ ಚಿತ್ರ. ಅನಂತರಾಯಪ್ಪ ಎನ್ನುವವರು ಈ ಚಿತ್ರದ ನಿರ್ದೇಶಕರು. ಸಮಾಜಕ್ಕೆ ಒಂದು ಒಳ್ಳೆ ಸಂದೇಶ ಕೊಡುವುದೇ ಈ ಚಿತ್ರ ತಂಡದವರ ಉದ್ದೇಶವಂತೆ.
ವಿಶೇಷವೆಂದರೆ 50 ರಂಗಭೂಮಿ ಕಲಾವಿದರನ್ನೇ ಇಟ್ಟುಕೊಂಡು ಈ ಸಿನಿಮಾ ಮಾಡಲಾಗಿದೆ. ಇದರಲ್ಲಿ ನಾಯಕ ಅಥವಾ ನಾಯಕಿ ಇಲ್ಲ ಎನ್ನುವುದೇ ಇದರ ವಿಶೇಷತೆ. ಭ್ರಷ್ಟ ಆಡಳಿತ, ಪ್ರಾಮಾಣಿಕ ನ್ಯಾಯ ಸಂಸ್ಥೆಯ ನಡುವೆ ನಡೆಯುವ ಸಂಘರ್ಷವೇ ಕಥಾ ವಸ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
