ಬೆಂಗಳೂರು: ತೆಲುಗು ಸಿನಿಮಾ ವಿತರಕರು ಕನ್ನಡ ಸಿನಿಮಾವನ್ನು ತೆಲುಗಿನಲ್ಲಿ ಬಿಡುಗಡೆ ಮಾಡಲು ಷರತ್ತು ವಿಧಿಸುವುದರ ಹಿಂದೆ ಅವರಿಗೆ ಕನ್ನಡ ಸಿನಿಮಾ ಬಗ್ಗೆ ಇರುವ ಭಯವಿರುವುದು ಕಾರಣ ಎಂದು ಡಿ ಬಾಸ್ ದರ್ಶನ್ ಹೇಳಿದ್ದರು. ಹಾಗಿದ್ದರೆ ತೆಲುಗಿನವರ ನಿದ್ರೆಗೆಡಿಸಿದ ಆ ಕನ್ನಡ ಸಿನಿಮಾಗಳು ಯಾವೆಲ್ಲಾ ಗೊತ್ತಾ?
ರಾಬರ್ಟ್ ಅಲ್ಲದೆ, ಪೊಗರು, ಕೆಜಿಎಫ್ 2 ಕೂಡಾ ತೆಲುಗಿನಲ್ಲಿ ಬಿಡುಗಡೆಯಾಗುತ್ತಿದೆ. ಈ ಮೂರು ಸಿನಿಮಾಗಳು ತೆಲುಗಿನ ಪ್ರೇಕ್ಷಕರ ಅಭಿರುಚಿಗೆ ತಕ್ಕಂತೆ ಇದೆ. ಹೀಗಾಗಿ ಈ ಮೂರು ಸಿನಿಮಾಗಳೇನಾದರೂ ತೆಲುಗು ಮಾರುಕಟ್ಟೆ ಪ್ರವೇಶಿಸಿ, ಅಲ್ಲಿ ಯಶಸ್ಸು ಕಂಡರೆ ಕನ್ನಡ ಸಿನಿಮಾಗಳ ಪ್ರಾಬಲ್ಯ ಅಲ್ಲಿ ಮತ್ತಷ್ಟು ಹೆಚ್ಚುವ ಸಾಧ‍್ಯತೆಯಿದೆ. ಹೀಗಾಗಿ ಅಲ್ಲಿನವರು ಕನ್ನಡ ಸಿನಿಮಾಗಳನ್ನು ಬಿಡುಗಡೆ ಮಾಡಲು ಅಡ್ಡಿ ಮಾಡುತ್ತಿರಬಹುದೆಂದು ಲೆಕ್ಕಾಚಾರ ಹಾಕಲಾಗಿದೆ.
