ಬೆಂಗಳೂರು: ಬಾಲಿವುಡ್ ನಿಂದ ಸ್ಯಾಂಡಲ್ ವುಡ್ ಗೆ ಬಂದು ನಟಿಸಿದವರ ಪೈಕಿ ಹಲವಾರು ಘಟಾನುಘಟಿಗಳಿದ್ದಾರೆ. ಅವರ ಸಾಲಿಗೆ ಈ ನಟನೂ ಸೇರಿಕೊಳ್ಳಲಿದ್ದಾರೆ.
ಅವರೇ ನೀಲ್ ನಿತಿನ್ ಮುಖೇಶ್. ಬಾಲಿವುಡ್ ನಲ್ಲಿ ಆರಕ್ಕೇಳದ ಮೂರಕ್ಕಿಳಿಯದ ನಟನಾಗಿ ಉಳಿದುಕೊಂಡಿದ್ದ ಈ ಸುಂದರ ಮೊಗದ ಹೀರೋ ಕನ್ನಡಕ್ಕೆ ಖಳನಾಯಕನಾಗಿ ಎಂಟ್ರಿ ಕೊಡಲಿದ್ದಾರೆ.
ಕೋಮಲ್ ಜತೆಗಿನ ಚಿತ್ರವೊಂದರಲ್ಲಿ ನಿತಿನ್ ನಟಿಸಲಿದ್ದಾರೆ. ಈ ಸುದ್ದಿಯನ್ನು ಸ್ವತಃ ಚಿತ್ರತಂಡವೇ ಖಚಿತಪಡಿಸಿದೆ. ಅಂದ ಹಾಗೆ ನಿತಿನ್ ಈ ಮೊದಲು ತಮಿಳು ಮತ್ತು ತೆಲುಗಿನಲ್ಲಿ ತಲಾ ಒಂದೊಂದು ಚಿತ್ರ ಮಾಡಿದ್ದಾರೆ. ಕನ್ನಡದಲ್ಲಿ ನಟಿಸುವ ಮೂಲಕ ದಕ್ಷಿಣ ಭಾರತೀಯ ಸಿನಿಮಾಗಳಲ್ಲಿ ಇದು ಅವರ ಮೂರನೇ ಚಿತ್ರವಾಗಲಿದೆ.
