ಚೆನ್ನೈ : ತಮಿಳು ನಟ ಆರ್ಯ ಅವರ ಚಿತ್ರರಂಗದಲ್ಲಿ ಸ್ಟಾರ್ ನಟ ಎನಿಸಿಕೊಳ್ಳದಿದ್ದರೂ ಅವರ ಚಿತ್ರಗಳ ಬಗ್ಗೆ ಜನರಿಗೆ ಇನ್ನೂ ನಿರೀಕ್ಷೆ ಇದೆ. ಆದಕಾರಣ ಇದೀಗ ಆರ್ಯ ಅತ್ಯುತ್ತಮ ಕಥೆಗಳನ್ನು ಆರಿಸಿಕೊಂಡು ನಟನೆ ಮುಂದುವರಿಸಿದ್ದಾರೆ ಎನ್ನಲಾಗಿದೆ.
ಇತ್ತೀಚೆಗೆ ಆರ್ಯ ದ್ವಿಪಾತ್ರದಲ್ಲಿ ನಟಿಸಿರುವ ‘ಮಹಮುನಿ’ ಚಿತ್ರ ಸಾಕಷ್ಟು ಅಭಿಮಾನಿಗಳನ್ನು ಆಕರ್ಷಿಸಿದೆ. ಈ ನಡುವೆ ‘ಅವನ್ ಇವಾನ್’ ಚಿತ್ರದ ನಂತರ ಇದೀಗ ನಿರ್ದೇಶಕ ಆನಂದ್ ಶಂಕರ್ ಅವರ ನಿರ್ದೇಶನದ ಚಿತ್ರದಲ್ಲಿ ವಿಶಾಲ್ ಮತ್ತು ಆರ್ಯ ಒಟ್ಟಿಗೆ ನಟಿಸಲಿದ್ದಾರಂತೆ.
ಈ ಚಿತ್ರದಲ್ಲಿ ಆರ್ಯ ಅವರ ಜೊತೆ ‘ಸಮೀರಾ ರೆಡ್ಡಿ ನಟಿಸಲಿದ್ದಾರಂತೆ. ‘ವೆಟ್ಟೈ’ ಚಿತ್ರದಲ್ಲಿ ಸಮೀರಾ ರೆಡ್ಡಿ ಆರ್ಯ ಅವರೊಂದಿಗೆ ನಟಿಸಿದ್ದರು. ಇದೀಗ ಇಬ್ಬರು ಮಕ್ಕಳ ತಾಯಿಯಾದ ಸಮೀರಾ ರೆಡ್ಡಿ ಮತ್ತೆ ಆರ್ಯ ಅವರೊಂದಿಗೆ ನಟಿಸುವುದರ ಮೂಲಕ ಸಿನಿಮಾ ರಂಗಕ್ಕೆ ಪ್ರವೆಶಿಸಲಿದ್ದಾರೆ ಎನ್ನಲಾಗಿದೆ.
