ಬೆಂಗಳೂರು: ತೆಲುಗು ಸ್ಟಾರ್ ನಟ ಬಾಲಕೃಷ್ಣ ಇತ್ತೀಚೆಗೆ ಶಿವರಾಜ್ ಕುಮಾರ್ ಅಭಿನಯದ ಮಾಸ್ ಲೀಡರ್ ಅಡಿಯೋ ಲಾಂಚ್ ಕಾರ್ಯಕ್ರಮಕ್ಕೆ ಬಂದಿದ್ದರು. ಆದರೆ ಅಲ್ಲಿ ಅವರು ಮಾಡಿರುವ ಎಡವಟ್ಟು ಯಾರಿಗೂ ಗೊತ್ತೇ ಆಗಲಿಲ್ಲ.
ಶಿವಣ್ಣ ಮತ್ತು ಚಿತ್ರತಂಡದವರ ಜತೆ ವೇದಿಕೆ ಏರಿದ ಬಾಲಕೃಷ್ಣ ಹ್ಯಾಟ್ರಿಕ್ ಹೀರೋನನ್ನು ಕನ್ನಡದಲ್ಲೇ ಹೊಗಳಿದರು. ಕನ್ನಡ ಗೊತ್ತಿಲ್ಲದಿದ್ದರೂ, ಅದು ಹೇಗೋ ಕಷ್ಟಪಟ್ಟು ಕನ್ನಡದಲ್ಲಿ ಶಿವಣ್ಣ ಬಗ್ಗೆ ಹೊಗಳಿಕೆಯ ಡೈಲಾಗ್ ಬಿಟ್ಟ ಬಾಲಕೃಷ್ಣ ಮಾಡಿದ ತಪ್ಪು ಅಪಾರ್ಥ ಮಾಡಿತು.
ಶಿವರಾಜ್ ಕುಮಾರ್ ಅಭಿನಯದ ‘ಸಿಂಹದ ಮರಿ’ ಸಿನಿಮಾವನ್ನು ಉಲ್ಲೇಖಿಸಿ, ಶಿವಣ್ಣ ಸಿಂಹದ ಮರಿ ಎನ್ನುವ ಬದಲು ಸಿಂಹದ ‘ಮಾರಿ’ ಎಂದು ಬಿಟ್ಟರು. ಪಕ್ಕದಲ್ಲೇ ಇದ್ದವರೆಲ್ಲರೂ ನಗು ನಗುತ್ತಲೇ ತಲೆಯಾಡಿಸಿದರು. ಆದರೆ ಮರಿ ಎನ್ನುವ ಬದಲು ಶಿವರಾಜ್ ಕುಮಾರ್ ರನ್ನು ಮಾರಿ ಎಂದಿದ್ದು ಎಂತಹ ಎಡವಟ್ಟು ಎಂಬುದು ತೆಲುಗು ಸೂಪರ್ ಸ್ಟಾರ್ ಗೆ ಗೊತ್ತಾಗಲೇ ಇಲ್ಲ ಬಿಡಿ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
