ಬೆಂಗಳೂರು: ಕಿಚ್ಚ ಸುದೀಪ್ ಮತ್ತು ರಕ್ಷಿತ್ ಶಟ್ಟಿ ಒಂದು ಸಿನಿಮಾ ಮಾಡುತ್ತಿದ್ದಾರೆ ಎಂದು ಹಲವು ದಿನಗಳ ಹಿಂದೆ ಸುದ್ದಿಯಾಗಿತ್ತು. ಥಗ್ಸ್ ಆಪ್ ಮಾಲ್ಗುಡೀಸ್ ಎಂದು ಇದರ ಹೆಸರು. ಅದು ಮುಂದಿನ ವರ್ಷ ಜೂನ್ ನಲ್ಲಿ ಸೆಟ್ಟೇರಲಿದೆಯಂತೆ.
ಸದ್ಯಕ್ಕೆ ಸುದೀಪ್ ಹೆಬ್ಬುಲಿ ಚಿತ್ರ ಮುಗಿಸಿದ್ದಾರೆ. ವಿಲನ್ ಎನ್ನುವ ಇನ್ನೊಂದು ಚಿತ್ರ ಮುಗಿದ ಮೇಲೆ ಅವರು ರಕ್ಷಿತ್ ಶೆಟ್ಟಿ ಜತೆಗೆ ಸಿನಿಮಾ ಮಾಡಲಿದ್ದಾರೆ. ಥಗ್ ಆಫ್ ಮಾಲ್ಗುಡೀಸ್ ಚಿತ್ರದ ಕತೆ, ನಿರ್ದೇಶನ ಸ್ವತಃ ರಕ್ಷಿತ್ ಶೆಟ್ಟಿ ಅವರದ್ದು. ಇದು ಸ್ವಾತಂತ್ರ್ಯ ಪೂರ್ವ ಭಾರತದ ಕತೆಯ ಹಿನ್ನಲೆಯುಳ್ಳ ಸಿನಿಮಾವೆನ್ನಲಾಗಿದೆ.
ಹಿಂದೊಮ್ಮೆ ಬಿಗ್ ಬಾಸ್ ವೇದಿಕೆಗೆ ಬಂದಿದ್ದಾಗ ರಕ್ಷಿತ್ ಸಿನಿಮಾ ಪ್ರೀತಿಯನ್ನು ಸುದೀಪ್ ಮೆಚ್ಚಿಕೊಂಡಿದ್ದರು. ಅವರಿಗಾಗಿ ಒಂದು ಸ್ಕ್ರಿಪ್ಟ್ ಬರೆಯುವುದಾಗಿ ರಕ್ಷಿತ್ ಕೂಡಾ ಹೇಳಿಕೊಂಡಿದ್ದರು. ಈ ಚಿತ್ರದ ಮೂಲಕ ಅವರ ಆಸೆ ಈಡೇರಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
