ಸೃಜನ್ ಮಜಾ ಟಾಕೀಸ್ ಜತೆಗೆ ಬರೋ ಟೈಮ್ ಫಿಕ್ಸ್ ಆಯ್ತು

ಬೆಂಗಳೂರು: ಸೃಜನ್ ಲೋಕೇಶ್ ಮತ್ತೆ ಕಿರುತೆರೆಗೆ ಮರಳುತ್ತಿದ್ದಾರೆ ಎಂಬ ಸುದ್ದಿ ಹಲವು ದಿನಗಳಿಂದ ಓಡಾಡುತ್ತಲೇ ಇತ್ತು. ಆದರೆ ಯಾವಾಗ ಎಂದು ಗೊತ್ತಾಗಿರಲಿಲ್ಲ.

ಇದೀಗ ಅದು ಬಹಿರಂಗವಾಗಿದೆ. ಸೃಜನ್ ಕಲರ್ಸ್ ಕನ್ನಡದಲ್ಲಿ ನಡೆಸಿಕೊಡುತ್ತಿದ್ದ ‘ಮಜಾ ಟಾಕೀಸ್’ ಶೋ ಮೂಲಕ ಮರಳಿ ಕಿರುತೆರೆಗೆ ಬರುತ್ತಿದ್ದಾರೆ. ಈ ಶೋ ಎಷ್ಟೋ ಸಿನಿಮಾಗಳ ಪ್ರಚಾರಕ್ಕೆ, ತಮಾಷೆ, ಹರಟೆ ಮಾತುಕತೆಗಳಿಗೆ ವೇದಿಕೆಯಾಗಿತ್ತು.

ಇದೀಗ ಆಗಸ್ಟ್ 29 ರಿಂದ ಮತ್ತೆ ಮಜಾ ಟಾಕೀಸ್ ಆರಂಭವಾಗಲಿದೆ. ಈ ಬಾರಿ ಮಜಾ ಟಾಕೀಸ್ ನಲ್ಲಿ ಏನೇನು ವಿಶೇಷವಿರಲಿದೆ ಯಾರೆಲ್ಲಾ ಇರಲಿದ್ದಾರೆ ಎಂಬುದು ಸದ್ಯದಲ್ಲೇ ಗೊತ್ತಾಗಲಿದೆ.