ಬಾವ ಧನುಷ್ ಚಿತ್ರ ನಿರ್ದೇಶನ ಮಾಡಲಿರುವ ನಾದಿನಿ ಸೌಂದರ್ಯ ರಜನೀಕಾಂತ್

ಚೆನ್ನೈ: ರಜನೀಕಾಂತ್ ಪುತ್ರಿ ಸೌಂದರ್ಯ ರಜನೀಕಾಂತ್ ತಮ್ಮ ಸಹೋದರಿಯ ಪತಿ ಧನುಷ್ ಚಿತ್ರವೊಂದನ್ನು ನಿರ್ದೇಶಿಸಲಿದ್ದಾರೆ.

ಧನುಷ್ ಅಭಿನಯದ ವೇಳಯಿಲ್ಲಾ ಪಟ್ಟಾದಿರಿ ಭಾರೀ ಹಿಟ್ ಆಗಿತ್ತು. ಅದೇ ಚಿತ್ರದ ಎರಡನೇ ಭಾಗವನ್ನು ಇದೀಗ ಸೌಂದರ್ಯ ಬಾವನಿಗಾಗಿ ನಿರ್ದೇಶಿಸಲಿದ್ದಾರೆ. ಇದು ತಮಿಳು ಮತ್ತು ತೆಲುಗು ಭಾಷೆಯಲ್ಲಿ ಮೂಡಿ ಬರಲಿದೆ.

ಚಿತ್ರದ ಪೋಸ್ಟರ್ ಜತೆಗೆ ಧನುಷ್ ಚಿತ್ರವನ್ನು ನಿರ್ದೇಶಿಸುತ್ತಿರುವುದಕ್ಕೆ ಸಂತೋಷವಾಗುತ್ತಿದೆ ಎಂದು ಸೌಂದರ್ಯ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದಾರೆ.  ಸೌಂದರ್ಯ ಈ ಹಿಂದೆ ಕೊಚಾಡಿಯನ್ ಚಿತ್ರವನ್ನು ನಿರ್ದೇಶಿಸಿದ್ದರು. ರಜನೀಕಾಂತ್ ಈ ಚಿತ್ರದಲ್ಲಿ ಮುಖ್ಯ ಭೂಮಿಕೆಯಲ್ಲಿದ್ದರು.

ಇದು ಅವರ ಎರಡನೇ ಚಿತ್ರವಾಗಿದೆ. ಧನುಷ್ ಕೂಡಾ ಈ ಬಗ್ಗೆ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದು, ಬೆಂಬಲಿಸುವಂತೆ ಕೋರಿಕೊಂಡಿದ್ದಾರೆ. ಧನುಷ್ ರಜನೀಕಾಂತ್ ಪ್ರಥಮ ಪುತ್ರಿ ಐಶ್ವರ್ಯಾ ಪತಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ