ಚಿತ್ರೋದ್ಯಮದ ಧೋರಣೆ ಬಗ್ಗೆ ’ಶೃತಿ’ ಅಪಶ್ರುತಿ

ನಟಿ ಶೃತಿ ಹಾಸನ್ ಅಪ್ಪನಿಗೆ ತಕ್ಕ ಮಗಳು ಎಂಬುದನ್ನು ಹಲವಾರು ಬಾರಿ ಸಾಬೀತುಪಡಿಸಿಕೊಂಡಿದ್ದಾಳೆ. ಕಮಲ್ ಹಾಸನ್ ಅವರಂತೆ ಬಿಸಿಬಿಸಿ ಹೇಳಿಕೆಳನ್ನು ನೀಡಿ ಆಗಾಗ ಚುರುಕು ಮುಟ್ಟಿಸುವುದು ಶೃತಿ ಅವರಿಗೆ ಕರಗತವಾಗಿದೆ. ಇದೀಗ ಹೀರೋಯಿನ್‌ಗಳ ಬಗ್ಗ ಚಿತ್ರೋದ್ಯಮ ನಡೆದುಕೊಳ್ಳುತ್ತಿರುವ ರೀತಿಗೆ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

ಸಿನಿಮಾ ಒಂದು ಹಿಟ್ ಆದರೆ ಅದರ ಸಂಪೂರ್ಣ ಕ್ರೆಡಿಡ್ ಹೀರೋಗೆ ಸಲ್ಲುತ್ತದೆ. ಅದೇ ತೋಪಾದರೆ ಹೀರೋಯಿನ್ ಕಾಲ್ಗುಣ ಅಂತಾರೆ. ಈ ಧೋರಣೆ ಸರಿಯಲ್ಲ. ಇದನ್ನು ಖಂಡಿಸುತ್ತೇನೆ ಎಂದಿದ್ದಾರೆ. ಮದುವೆಯಾದ ಬಳಿಕ ಹೀರೋಹಿನ್‌ಗಳು ಚಿತ್ರರಂಗದಿಂದ ದೂರ ಸರಿಯುತ್ತಿರುವ ಬಗ್ಗೆಯೂ ಧ್ವನಿಯೆತ್ತಿದ್ದಾರೆ.

ತನ್ನ ಗಂಡನಿಗೆ ಇಷ್ಟವಿಲ್ಲವೆಂದೋ, ಅತ್ತೆ ಒಪ್ಪುತ್ತಿಲ್ಲ ಎಂದೋ ಏನೋ ಒಂದು ಕಾರಣ ಹೇಳಿ ಹೀರೋಯಿನ್‌ಗಳೂ ಚಿತ್ರರಂಗದಿಂದ ದೂರ ಸರಿಯುತ್ತಿದ್ದಾರೆ. ಆದರೆ ತಾನು ಮಾತ್ರ ಮದುವೆಯಾಗಿ ಮಕ್ಕಳಾದರೂ ಅಭಿನಯಿಸುತ್ತಿರುತ್ತೇನೆ. ಈಗ ಹೀರೋಯಿನ್ ಓರಿಯಂಟೆಡ್ ಸಿನಿಮಾಗಳು ಬಾಕ್ಸಾಫೀಸ್ ಉಡ್ಡೀಸ್ ಮಾಡುತ್ತಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ ಎಂದಿದ್ದಾರೆ.  

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.