ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಡ್ರಗ್ ಮಾಫಿಯಾ ಇದೆ, ಇಲ್ಲ ಎಂಬ ವಿಚಾರ ಚರ್ಚೆಯಾಗುತ್ತಿರುವ ಬೆನ್ನಲ್ಲೇ ಕನ್ನಡ ಸಿನಿಮಾ ರಂಗದ ಮುಂದಾಳತ್ವ ವಹಿಸಿರುವ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ನಾನು ಇದುವರೆಗೆ ಕಣ್ಣಾರೆ, ಪ್ರತ್ಯಕ್ಷವಾಗಿ ಇಂತಹ ಚಟುವಟಿಕೆಗಳನ್ನು ನೋಡಿಲ್ಲ. ಒಂದು ವೇಳೆ ಯಾರಾದ್ರೂ ಮಾಡಿದ್ರೆ ಅದನ್ನು ಪೊಲೀಸರು ತನಿಖೆ ಮಾಡಿ ಪತ್ತೆ ಮಾಡಬೇಕು ಮತ್ತು ಅಂತಹವರಿಗೆ ಶಿಕ್ಷೆಯಾಗಲಿ. ಯಾವ ಇಂಡಸ್ಟ್ರಿಯವರು ತಪ್ಪು ಮಾಡಿದ್ರೂ ಅದು ತಪ್ಪೇ. ತಪ್ಪು ಮಾಡಿದವರ ಬಗ್ಗೆ ವಹಿಸಿಕೊಂಡು ಮಾತನಾಡುವುದು ಬೇಡ. ಯಾರೋ ಕೆಲವರು ಮಾಡಿದ ಕೆಲಸಕ್ಕೆ ಇಡೀ ಚಿತ್ರರಂಗವನ್ನು ದೂರುವುದು ಬೇಡ ಎಂದು ಶಿವಣ್ಣ ಹೇಳಿದ್ದಾರೆ.
