ಬೆಂಗಳೂರು: ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಕನ್ನಡ ಬಿಗ್ ಬಾಸ್ ಸ್ಪರ್ಧಿ ನೇಹಾ ಪಾಟೀಲ್ ಗೆ ನಟಿಸಲು ಆಫರ್ ನೀಡಿ ಆಕೆಯ ಕಷ್ಟಕ್ಕೆ ನೆರವು ನೀಡಿದ್ದಾರೆ.
ಉತ್ತರ ಕರ್ನಾಟಕದ ಹುಡುಗಿನ ನೇಹಾ ಮೇಲೆ ಕುಟುಂಬ ನಿರ್ವಹಿಸುವ ಜವಾಬ್ಧಾರಿ ಇದೆ. ಬಿಗ್ ಬಾಸ್ ನಲ್ಲಿದ್ದಾಗ ಶಿವರಾಜ್ ಕುಮಾರ್ ರನ್ನು ಭೇಟಿ ಮಾಡಿದ್ದ ನೇಹಾ ಪಾಟೀಲ್ ಬಿಗ್ ಬಾಸ್ ಮನೆಯಿಂದ ಹೊರ ಬಂದ ಮೇಲೆ ‘ಗರ’ ಸಿನಿಮಾ ಕಾರ್ಯಕ್ರಮಕ್ಕೆ ಬಂದಾಗ ಮತ್ತೆ ಶಿವಣ್ಣನನ್ನು ಭೇಟಿಯಾಗುವ ಅವಕಾಶ ಸಿಕ್ಕಿದೆ.
ಈ ವೇಳೆ ನನ್ನನ್ನು ಶಿವಣ್ಣ ಗುರುತಿಸಿ ಯಾವಾಗ ಬಿಗ್ ಬಾಸ್ ಮನೆಯಿಂದ ಬಂದೆ ಎಂದೆಲ್ಲಾ ಕೇಳಿದರು. ಆಗ ನಾನು ನನ್ನ ಮೇಲಿನ ಜವಾಬ್ಧಾರಿ ಬಗ್ಗೆ ಹೇಳಿಕೊಂಡೆ. ನಾನು ನಿಮ್ಮಲ್ಲಿ ಹಣ ಸಹಾಯ ಕೇಳಲ್ಲ. ನನಗೆ ಶಕ್ತಿಯಿದೆ. ದುಡೀತೀನಿ. ಅವಕಾಶ ಕೊಡಿ ಎಂದು ಕೇಳಿದ್ದೆ. ಇದಕ್ಕೆ ಶಿವಣ್ಣ ಸ್ಪಂದಿಸಿ ವೇದಿಕೆಯಲ್ಲೇ ನನಗೆ ಒಂದು ಚೀಟಿಯಲ್ಲಿ ಫೋನ್ ನಂಬರ್ ಬರೆದುಕೊಟ್ಟು ಅವಕಾಶದ ಭರವಸೆ ನೀಡಿದರು. ರಾಜ್ ಕುಟುಂಬದವರು ಎಷ್ಟೋ ಜನರಿಗೆ ಸಹಾಯ ಮಾಡ್ತಾರೆ ಎಂದು ಕೇಳಿದ್ದೆ. ಅದನ್ನು ನಾನೀಗ ನಿಜವಾಗಿಯೂ ನೋಡಿದೆ’ ಎಂದು ನೇಹಾ ಪಾಟೀಲ್ ಖುಷಿಯಿಂದಲೇ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
