ಬೆಂಗಳೂರು: ಇಂದು ಮತ್ತು ನಾಳೆ ಫುಲ್ ಹಬ್ಬದ ಮೂಡ್. ಸ್ಯಾಂಡಲ್ ವುಡ್ ತಾರೆಯರೂ ಇದಕ್ಕೆ ಹೊರತಲ್ಲ. ಕೊರೋನಾ ನಡುವೆಯೂ ಕುಟುಂಬದ ಜತೆ ಕೊಂಚ ಸಮಯ ಖುಷಿಯಿಂದ ಕಾಲ ಕಳೆಯಲು ಸಿಕ್ಕಿದ ಅವಕಾಶವಿದು.
ಗೌರಿ, ಗಣೇಶ ಹಬ್ಬಕ್ಕೆ ಸ್ಯಾಂಡಲ್ ವುಡ್ ತಾರೆಯರು ಅಭಿಮಾನಿಗಳಿಗೆ ಸಾಮಾಜಿಕ ಜಾಲತಾಣಗಳ ಮೂಲಕ ಶುಭ ಹಾರೈಸಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳಿಗೆ ಶುಭ ಹಾರೈಸುವುದರ ಜತೆಗೆ ಗಣೇಶ ಹಬ್ಬದ ಸಂದರ್ಭದಲ್ಲಿ ಪರಿಸರ ಸಂರಕ್ಷಣೆ ಮರೆಯದಿರಿ ಎಂದು ಕರೆಕೊಟ್ಟಿದ್ದಾರೆ.
ಉಳಿದಂತೆ ಸುಮಲತಾ ಅಂಬರೀಶ್, ಗೋಲ್ಡನ್ ಸ್ಟಾರ್ ಗಣೇಶ್, ನವರಸನಾಯಕ ಜಗ್ಗೇಶ್ ಸೇರಿದಂತೆ ಅನೇಕ ತಾರೆಯರು ಅಭಿಮಾನಿಗಳಿಗೆ ಹಬ್ಬದ ಶುಭಾಷಯ ತಿಳಿಸಿದ್ದಾರೆ.
