ಸಾಯಿಪ್ರಕಾಶ್ ಅವರ 98ನೇ ಸಿನಿಮಾ ರಿಯಲ್ ಪೊಲೀಸ್

ಇದು ಹೆಸರಾಂತ ನಿರ್ದೇಶಕ ಸಾಯಿಪ್ರಕಾಶ್ ಅವರ 98ನೇ ಸಿನಿಮಾ. ಆಜಾದ್ ಫಿಲಂಸ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣ ಆಗಿದೆ. ಅನೇಕ ಸಮಾಜ ಘಾತುಕ ಶಕ್ತಿಗಳನ್ನು ಮೆಟ್ಟಿ ನಿಲ್ಲುವ ಒಬ್ಬ ನಿಷ್ಠಾವಂತ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಸಾಯಿಕುಮಾರ್ ಅವರು ಅಭಿನಯಿಸಿದ್ದಾರೆ. ಒಬ್ಬ ಅಧಿಕಾರಿ, ಎರಡು ಪ್ರಕರಣ ಒಂದೇ ನ್ಯಾಯ ಈ ಚಿತ್ರದ ತಾತ್ಪರ್ಯ. 

ನಿರ್ಮಾಪಕರದ ಸಾದಿಕ್ ವುಲ್ಲಾ ಆಜಾದ್  ಹಾಗೂ ನೂರ್ ಫರಹತ್ ಆವರು ಕೆಲವು ಘಟನೆಗಳನ್ನು ಪೊಲೀಸ್ ಡೈರಿಯಿಂದ ಹೆಕ್ಕಿ ನೀಡಿದ್ದಾರೆ. ಇಲ್ಲಿ ಒಂದು ಕೊಲೆಯನ್ನು ಬೇಧಿಸುವ ರೋಚಕ ಸನ್ನಿವೇಶ ಸಹ ಅಡಗಿದೆ. 

ದಿಶಾ ಪೂವಯ್ಯ, ಸಾಧು ಕೋಕಿಲ, ಮಂಜುನಾಥ ಹೆಗ್ಡೆ, ಅಕ್ಷತ, ಗಣೇಶ್ ರಾವ್, ಸಾಯಿಷ್, ಸುಹಾಸ್, ಮಿಮಿಕ್ರಿ ರಾಜಗೋಪಾಲ್ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನುರಿತ ಛಾಯಾಗ್ರಾಹಕ ಜೆ ಜಿ ಕೃಷ್ಣ ಅವರ ಛಾಯಾಗ್ರಹಣ, ಬಲರಾಮ್ ಸಂಗೀತ ಈ ಚಿತ್ರಕ್ಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.