ಬೆಂಗಳೂರು: ಕನ್ನಡದ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಸೂಪರ್ ಸ್ಟಾರ್ ರಜನೀಕಾಂತ್ ಮತ್ತು ಸಲ್ಮಾನ್ ಖಾನ್ ಸಿನಿಮಾವೊಂದನ್ನು ನಿರ್ಮಿಸಲಿದ್ದಾರಾ? ಹಾಗೊಂದು ಗಾಳಿ ಸುದ್ದಿ ಹರಡಿದೆ.
ಇದಕ್ಕೂ ಮೊದಲು ರಾಕ್ ಲೈನ್ ವೆಂಕಟೇಶ್ ರಜನೀಕಾಂತ್ ಮತ್ತು ಸಲ್ಮಾನ್ ಖಾನ್ ಅಭಿನಯದ ಒಂದೊಂದು ಸಿನಿಮಾಕ್ಕೆ ಹಣ ಹಾಕಿದ್ದರು. ರಜನೀಕಾಂತ್ ಲಿಂಗಂ ಚಿತ್ರ ಮತ್ತು ಸಲ್ಮಾನ್ ಖಾನ್ ಅಭಿನಯದ ಬಜರಂಗಿ ಭಾಯಿ ಜಾನ್ ಚಿತ್ರಕ್ಕೆ ರಾಕ್ ಲೈನ್ ನಿರ್ಮಾಪಕರಾಗಿದ್ದರು.
ಇತ್ತೀಚೆಗೆ ರಜನೀಕಾಂತ್ ಅವರ ಎಂಥಿರಾನ್ 2 ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆ ಕಾರ್ಯಕ್ರಮಕ್ಕೆ ಸಲ್ಮಾನ್ ಖಾನ್ ಅಚ್ಚರಿ ಭೇಟಿ ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು. ಈ ಸಮಾರಂಭದಲ್ಲಿ ರಜನೀಕಾಂತ್ ಮುಂದೊಂದು ದಿನ ಸಲ್ಮಾನ್ ಒಪ್ಪಿದರೆ ಒಟ್ಟಿಗೆ ನಟಿಸಲು ಸಿದ್ಧ ಎಂದೂ ಹೇಳಿದ್ದರು. ಹಾಗಿದ್ದರೆ ಇಂತಹದ್ದೊಂದು ಅದ್ಧೂರಿ ಸಿನಿಮಾ ನಿರ್ಮಾಣ ಮಾಡುತ್ತಾರಾ ನಮ್ಮ ಕನ್ನಡದ ನಿರ್ಮಾಪಕ? ಕಾದು ನೋಡಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
