ಪ್ರಕಾಶ್ ರೈಯಿಂದಾಗಿ ಕೆಜಿಎಫ್ 2 ಬಹಿಷ್ಕರಿಸಿ ಅಭಿಯಾನ

ಬೆಂಗಳೂರು: ಲಾಕ್ ಡೌನ್ ಬಳಿಕ ಶೂಟಿಂಗ್ ಆರಂಭಿಸಿರುವ ಕೆಜಿಎಫ್ 2 ತಂಡ ಹೊಸದಾಗಿ ಬಹುಭಾಷಾ ನಟ ಪ್ರಕಾಶ್ ರೈ ಕೆಜಿಎಫ್ 2 ತಂಡ ಸೇರಿರುವುದಾಗಿ ಘೋಷಣೆ ಮಾಡಿದೆ.

ಪ್ರಕಾಶ್ ಭಾಗದ ಚಿತ್ರೀಕರಣವನ್ನೂ ಮಾಡಲಾಗುತ್ತಿದೆ. ಆದರೆ ಈ ಫೋಟೋಗಳು ವೈರಲ್ ಆಗುತ್ತಿದ್ದಂತೇ ಈಗ ಕೆಜಿಎಫ್ ತಂಡ ಬಲಪಂಥೀಯರ ಕೆಂಗಣ‍್ಣಿಗೆ ಗುರಿಯಾಗಿದೆ. ಚಿತ್ರ ಪ್ರದರ್ಶನಕ್ಕೆ ಅವಕಾಶ ಕೊಡಬಾರದು, ಕೆಜಿಎಫ್ 2 ಬಹಿಷ್ಕರಿಸಿ ಎಂಬಿತ್ಯಾದಿ ಅಭಿಯಾನಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಬಲಪಂಥೀಯರು ಮಾಡುತ್ತಿದ್ದಾರೆ. ಕಾರಣ, ಪ್ರಕಾಶ್ ರೈ ಎಡಪಂಥೀಯ ವಿಚಾರಧಾರೆಯವರು. ಅವರ ಕೆಲವು ಹೇಳಿಕೆಗಳು ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗುತ್ತಿದ್ದವು. ಹೀಗಾಗಿ ಈಗ ಪ್ರಕಾಶ್ ರೈಯವರನ್ನು ಸಿನಿಮಾದಲ್ಲಿ ಹಾಕಿಕೊಂಡಿರುವ ಕೆಜಿಎಫ್ 2 ತಂಡದ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ. ಇದು ಮುಂದೆ ಚಿತ್ರ ಬಿಡುಗಡೆಗೆ ತೊಂದರೆಯಾಗಬಹುದಾ ಕಾದು ನೋಡಬೇಕಿದೆ.