ಬೆಂಗಳೂರು: ಬಾಲಿವುಡ್ ನಟಿ ರವೀನಾ ಟಂಡನ್ ಅವರಿಗೆ ಇಂದು ಜನ್ಮದಿನದ ಸಂಭ್ರಮ. ರವೀನಾ ಸದ್ಯಕ್ಕೆ ಕನ್ನಡದ ಕೆಜಿಎಫ್ 2 ಸಿನಿಮಾದಲ್ಲಿ ನಟಿಸುತ್ತಿದ್ದು, ಇದಕ್ಕಾಗಿ ಕೆಜಿಎಫ್ ತಂಡ ರವೀನಾಗೆ ಒಳ್ಳೆಯ ಉಡುಗೊರೆ ಕೊಟ್ಟಿದೆ.
ರವೀನಾ ಕೆಜಿಎಫ್ 2 ನಲ್ಲಿ ರಮಿಕಾ ಸೇನ್ ಪಾತ್ರ ಮಾಡುತ್ತಿದ್ದಾರೆ. ಹೀಗಾಗಿ ಅವರ ಬರ್ತ್ ಡೇ ದಿನದಂದು ರಮಿಕಾ ಸೇನ್ ಲುಕ್ ನ್ನು ಕೆಜಿಎಫ್ 2 ತಂಡ ಅನಾವರಣಗೊಳಿಸಿದೆ. ಈ ಬಗ್ಗೆ ಒಂದು ವಿಶೇಷ ಪೋಸ್ಟರ್ ಬಿಡುಗಡೆ ಮಾಡಿದೆ. ಮೊನ್ನೆಯಷ್ಟೇ ನಾಯಕಿ ಶ್ರೀನಿಧಿ ಶೆಟ್ಟಿ ಬರ್ತ್ ಡೇಗೆ ಕೆಜಿಎಫ್ 2 ತಂಡ ಶ್ರೀನಿಧಿ ಲುಕ್ ಅನಾವರಣಗೊಳಿಸಿತ್ತು.
