ಮುಂಬೈ: ನಟಿ ದೀಪಿಕಾ ಪಡುಕೋಣೆ ತಮ್ಮ ಲೇಟೆಸ್ಟ್ ಗೆಹರಿಯಾನ್ ಸಿನಿಮಾದಲ್ಲಿ ನಾಯಕ ಸಿದ್ಧಾಂತ್ ಚತುರ್ವೇದಿ ಜೊತೆ ಹಸಿಬಿಸಿ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ಸಿನಿಮಾದ ಟ್ರೈಲರ್ ಈಗ ಯೂ ಟ್ಯೂಬ್ ನಲ್ಲಿ ಟ್ರೆಂಡ್ ಆಗಿದೆ. ದೀಪಿಕಾರ ಬೋಲ್ಡ್ ಲುಕ್ ಎಲ್ಲರೂ ಹುಬ್ಬೇರುವಂತೆ ಮಾಡಿದೆ. ಮದುವೆಯಾದ ಮೇಲೂ ದೀಪಿಕಾ ಮೈ ಚಳಿ ಬಿಟ್ಟು ನಟಿಸಿರುವುದು ಎಲ್ಲರಿಗೂ ಇಷ್ಟವಾಗಿದೆ.
ಈ ನಡುವೆ ದೀಪಿಕಾ ಪತಿ ರಣವೀರ್ ಕೂಡಾ ಸಿನಿಮಾ ಟ್ರೈಲರ್ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ. ‘ಮೂಡಿ, ಸೆಕ್ಸಿ, ತೀವ್ರತೆಯಿದೆ. ನನಗೆ ಟ್ರೈಲರ್ ಭಾರೀ ಇಷ್ಟವಾಗಿದೆ. ನನ್ನ ಹುಡುಗಿಯಂತೂ ಅದ್ಭುತವಾಗಿ ಅಭಿನಯಿಸಿದ್ದಾಳೆ’ ಎಂದು ಪತ್ನಿಗೆ ಮೆಚ್ಚುಗೆ ಸೂಚಿಸಿದ್ದಾರೆ ರಣವೀರ್.
