ಹೈದರಾಬಾದ್: ಟಾಲಿವುಡ್ ಸ್ಟಾರ್ ನಟ ರಾಮ್ ಚರಣ್ ತೇಜ್ ತಮ್ಮ ಕಾರು ಚಾಲಕನ ಬರ್ತ್ ಡೇಯನ್ನು ಭರ್ಜರಿಯಾಗಿ ಆಚರಿಸಿದ್ದಾರೆ.
ತಮ್ಮ ಜೊತೆಗೆ ಸದಾ ಇರುವ ಕಾರು ಚಾಲಕ ನರೇಶ್ ಹುಟ್ಟುಹಬ್ಬವನ್ನು ಕೇಕ್ ಕತ್ತರಿಸಿ ಆಚರಿಸಿದ್ದಾರೆ. ಈ ಫೋಟೋಗಳನ್ನು ರಾಮ್ ಚರಣ್ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದು, ನಟನ ಹೃದಯವಂತಿಕೆಯನ್ನು ಕೊಂಡಾಡಿದ್ದಾರೆ.
ಈ ವೇಳೆ ರಾಮ್ ಚರಣ್ ಜೊತೆಗೆ ಅವರ ಪತ್ನಿ ಉಪಾಸನಾ ಹಾಗೂ ಅವರ ಮನೆಯ ಇತರ ಸಿಬ್ಬಂದಿಗಳೂ ಇದ್ದರು. ಬಳಿಕ ಎಲ್ಲರ ಜೊತೆಗೆ ಫೋಟೋಗೆ ಪೋಸ್ ಕೊಟ್ಟು ರಾಮ್ ಚರಣ್ ಖುಷಿ ಕೊಟ್ಟಿದ್ದಾರೆ.
