ಪುನೀತ್ ರಾಜ್ ಕುಮಾರ್ ಅಭಿನಯದ ರಾಜಕುಮಾರ ಚಿತ್ರ ರಾಜ್ಯಾದ್ಯಂತ ಯಶಸ್ವಿ ಪ್ರದರ್ಶನ ಕಂಡಿದೆ. ಕಥೆ, ಹಾಡು, ಡೈಲಾಗ್ ಎಲ್ಲದರಲ್ಲೂ ರಾಜ್ಯದ ಜನರ ಮನಸ್ಸು ಗೆದ್ದಿದೆ. ಚಿತ್ರದ ಬೊಂಬೆ ಹೇಳುತೈತೆ ಹಾಡು 2 ಕೋಟಿಗೂ ಅಧಿಕ ಹಿಟ್ಸ್ ಕಂಡಿದೆ.
ವಿ. ಹರಿಕೃಷ್ಣ ಸಂಗೀತ ಸಂಯೋಜನೆಯಲ್ಲಿ ನಿರ್ದೇಶಕ ಸಂಜಯ್ ಆನಂದರಾಮ್ ಸಾಹಿತ್ಯದ ಈ ಹಾಡನ್ನ ವಿಜಯ್ ಪ್ರಕಾಶ್ ಹಾಡಿದ್ದಾರೆ. ಅಣ್ಣಾವ್ರ ಕಸ್ತೂರಿ ನಿವಾಸ ಚಿತ್ರ ನೆನಪಿಸುವ ಈ ಹಾಡು ಜನಮೆಚ್ಚುಗೆ ಗಳಿಸಿದೆ.
ಯುವ ಹಾಡುಗಾರರು ಸಹ ಈ ಹಾಡನ್ನ ಹಾಡಿ ವಿಡಿಯೋವನ್ನ ಸೋಶಿಯಲ್ ಮೀಡಿಯಾಗೆ ಅಪ್ಲೋಡ್ ಮಾಡುತ್ತಿದ್ದಾರೆ. ಚಿತ್ರದ ಅಧಿಕೃತ ವಿಡಿಯೋ ಸಾಂಗ್ ಇನ್ನೂ ಯೂಟ್ಯೂಬ್`ಗೆ ರಿಲೀಸ್ ಮಾಡಿಲ್ಲ. ಮೇಕಿಂಗ್ ವಿಡಿಯೋ ಮಾತ್ರ ಬಿಡುಗಡೆ ಮಾಡಲಾಗಿದ್ದು, ಭಾರೀ ಜನಪ್ರಿಯವಾಗಿದೆ.
